Дуучин Ч.Уранхолбоо : Нялх биетэй байхдаа ийм зүйлтэй нүүр тулах үнэндээ амаргүй байлаа

2022 оны 10-р сарын 28 өдөр, 14 цаг 15 минутад нийтэлсэн (Сэтгэгдэл үлдээх )
ану

Өчигдөр буюу аравдугаар сарын 27-ны өдөр “Гала” хамтлагийн дуучин Ану буюу Ч.Уранхолбоог дээрэмдэхийг завдсан хэрэг гарсан байна. Энэ тухайгаа дуучин Ану өөрийн цахим хуудаснаа тайлбар хийжээ.

Тэрбээр “За өдрийн мэнд хүргэе, Та бүхэн маань бүгдээрээ сайн байцгаана уу? Өчигдөр буюу 2022 оны 10 сарын 27-ны өдөр Сүхбаатар дүүргийн 3 дугаар хорооны нутаг дэвсгэрт байрлах “Түшиг” төв дээр бүтэн өдрийн зураг авалттай байж таарсан. Зураг авалт дуусаад гарч иртэл үл таних эрэгтэй хүн гар буу тулган машинд орж ирээд их хэмжээний мөнгийг нэхсэн үйл явдал болсон.Буугаа жинхэнэ буу гэдгийг харуулсан бичлэг хүртэл хийсэн байснаа утсан дээрээсээ үзүүлж байв.Өвчтэй зовлонтой, мөн хүчирхийлэлд өртсөн хүүхдүүдэд тусалдаг,тусалж байгаа талаар маань хүртэл нэг нэгэнгүй судалсан байгааг ярианаас нь олж сонссон.
Маш олон зүйл бичмээр байгаа ч та бүхнийгээ түгшүүртэй байдалд оруулмааргүй байгаа тул ингээд зогсоое.
Мөрөөрөө хөдөлмөрлөж ,хэн 1-нийг гомдоолгүй, ажил амьдралаа зэрэгцүүлэн авч явж байгаа нялх биетэй байхдаа ийм зүйлтэй нүүр тулах үнэндээ амаргүй байлаа.
Бид цагдаагийн байгууллагад хандаж, шаардлагатай бүхий л арга хэмжээг авч чадсан.
Хэрэг илэрч шийдэгдэхээс өмнө илүү дэлгэрэнгүй мэдээлэл өгөхгүй байхыг хуулийн байгууллагаас ч чиглэл болгосон учир ямар ч байсан та бүхнийхээ сэтгэл санааг амрааж, энэхүү мэдэгдэл постыг оруулж байна.
Муу бүхэн үүгээр дуусаг.
Цаашид та бүхэн маань хаа явсаг газартаа сонор сэрэмжтэй байж, машинаа байрлуулахдаа хүртэл камертай газар тавьж байхыг сануулмаар байна. Охид бүсгүйчүүд маань сошиалд оруулж байгаа стори постон дээрээ байршилаа оруулахгүй байх тал дээр анхаарч байгаарай.
Энэ бүхнээс маш том сургамжийг олж авлаа. Хорхойд ч хоргүй амьдарч байгаа надад хэн хор хүргэх вэ дээ гэж хэзээ ч бодож болдоггүйн тод жишээг өөр дээрээ мэдэрлээ.
Илүү сонор сэрэмж хийгээд илүү аюулгүй байдал дээрээ анхаарч байгаарай гэдгийг нийт гэр бүлүүддээ охид, бүсгүйчүүддээ дахин анхааруулмаар байна.
Билэгт сайн өдөр нь амны билэггүй зүйл ярьсанд уучлаарай.Санаа тавьж холбогдсон мянга мянган хүмүүстээ баярлалаа”гэжээ.

Танд таалагдаж байвал LIKE хийгээрэй. Баярлалаа

АНХААРУУЛГА: Уншигчдын бичсэн сэтгэгдэлд ОНЦЛОХ.МН хариуцлага хүлээхгүй болно. ОНЦЛОХ.МН сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Сэтгэгдэл үлдээх

Нийт 2 сэтгэгдэлтэй
  1. Зочин
     (192.82.84..***)
    2023/01/29 23:00

    Хүний үнэргүй араатан байжээ.Эвий эвий нялх биетэй хүнийг яаж бөйгаа хүүр вэ.Даан ч сайн ханьтай даа эхнэрээ хамгийн дээдээр хайрладаг сайхан залуу.Ажрахгүй даваарай охин минь хурай хурай хурай

    (0) (0)
  2. ЗОЧИН
     (150.129.14.***)
    2023/01/15 22:07

    Эвийдээ эвий

    (0) (0)