Түүхий нүүрсээ оройн цагаар түлдэг байжээ

Хан-Уул дүүргийн шуурхай штабын утсанд энэ сарын 21-ний өдөр 8 дугаар хороо 12 гудамжинд байрлах айл түүхий нүүрс хадгалж түлээд байна гэх мэдээллийн дагуу шуурхай штабын бүрэлдэхүүн 14 цагт газар дээр очиж хяналт шалгалтыг хийлээ.Тухайн айл 2019 оны 03 дугаар сарын 25-ны өдөр Өвөрхангай аймгийн Баянтээгээс 1тн орчим түүхий нүүрс өрхийн хэрэгцээнд татсан байна. Иргэн О.Б нь өдрийн цагаар сайжруулсан шахмал түлш түлдэг, түүхий нүүрсээ оройн цагаар түлдэг гэх тайлбарыг өгсөн бөгөөд нүүрсийг битүүмжилж, Амгалангийн дулааны цахилгаан станцад ачууллаа. Иргэн Та Засгийн газрын тогтоолийг зөрчиж, нүүрс түлж буй иргэдийн мэдээллийг НМХГ-ын 70128012 дугаарын утсанд болон харьяа дүүргийн мэргэжлийн хяналтын хэлтсүүдэд мэдээлнэ үү.