Дэлхийн аварга шалгаруулах тэмцээнд багийн дүнгээр эхний наймд бичигдсэн багууд урилгаар оролцдог бөхийн чөлөөт барилдааны “Дэлхийн цом”-ын тэмцээн зургадугаар сарын 11-12-нд болно.

АНУ-ын Лос-Анжелос хотод болох тэмцээнд Монголын эрэгтэй шигшээ багийн тамирчид өрсөлдөхөөр бэлтгэж байна. Манай тамирчид 2015 оны ДАШТ-д дөрөвдүгээр байрт шалгарсан билээ. Тэмцээний сугалаа ёсоор Монголын баг “А” хэсэгт Гүрж, ОХУ, Туркийн шигшээ багтай таарсан бол “Б” хэсэгт Азербайжан, АНУ, Иран, Энэтхэгийн багууд багтжээ.

Монголын эрэгтэй чөлөөт бөхийн шигшээ багийн тамирчид энэ өдрүүдэд ОХУ-ын Красноярск хотод хамтарсан бэлтгэл хийж байна. “Дэлхийн цом”-д өрсөлдөх баг тамирчдыг Шигшээ багийн ахлах дасгалжуулагч, Монгол Улсын Гавьяат тамирчин Ц.Цогтбаяр удирдана.

Дэлхийн гэр бүлийн өдрийг  тохиолдуулан  ХУД-ийн   13-р хороо, Хүүхэд залуучуудын хөгжлийн төв, Албан бус- насан туршийн боловсролын төв хамтран   “Тэнгэрлэг гэр бүл” шалгаруулах  ёслолын арга хэмжээг 2016-05-13-ны өдөр зохион байгууллаа.

Энэ арга хэмжээний үеэр  үе үеийн гэр бүлүүдэд  үлгэр дуурайлал болсон  10 гэр  бүлийг алдаршуулж, өргөмжлөл, дурсгалын зүйл гардуулсан юм.

Энэ үеэр ахмад гэр бүлүүд өөрсдийн баялаг туршлага, үнэт сургаалиа залуустаа харамгүй хайрласан юм.

Дэлхийн хоёрдугаар дайнд оролцож явсан ахмад дайчин 96 настайдаа коллеж төгсч, дипломоо гардаж авчээ. Альфонсо Гонзалес өнгөрсөн баасан гаригт өмнөд Калифорнийн их сургуулийн хамгийн ахмад төгсөгч болсон байна. Тэрбээр одоогоос 70 жилийн өмнө 1953 онд өмнөд Калифорнийн их сургуулийг төгсөх байсан ч даалгавар авсан учраас сургуулиа төгсч чадаагүй байжээ.Альфонсогийн суралцаж байсан амьтан судлалын чиглэлээр одоо оюутан бэлдэхээ больсон ч бусдад гайхалтай үлгэр дуурайл болсон учраас түүнд зориулан амьтан судлалын тусгай диплом гаргасан гэнэ.

Хан-Уул дүүргийн 10 дугаар хороо 2016 оны 05 сарын 14-ны өдөр цэцэрлэгийн хүүхдийн дунд “ХӨГЖӨӨНТ БУУХИА” тэмцээнийг 6 дахь жилдээ зохион байгууллаа.

Тэмцээнд Хан-Уул дүүргийн 11 цэцэрлэгийн 70 гаруй хүүхэд хурд хүч, авъяас, авхаалж самбаагаа сорин өрсөлдлөө. Тэмцээний 1-р байр 49-р цэцэрлэг,  2-р байр 46-р цэцэрлэг,  3-р байр 121-р цэцэрлэг шалгарлаа.

Мөн тэмцээнд оролцсон нийт хүүхдүүдэд “НИСЭХИЙН АРВИЖИХ ОРШИХ” хадгаламж зээлийн хоршоо “ИРЭЭДҮЙН ТЭР БУМТАН” хүүхдийн хадгаламжийн дэвтрийг гардууллаа.

Тэмцээндээ оролцсон нийт хүүхэд багачууддаа болон тэмцээн зохион байгуулахад хамтран ажилласан албан байгууллагуудад талархал илэрхийлье.

Хан-Уул дүүргийн Засаг даргын 2016 оны 05-дугаар сарын 09-ны өдрийн А/202 дугаар захирамжийн дагуу бүх нийтээр мод тарих ажилд Албан бус-Насан туршийн боловсролын төвийн 11 багш, ажилтнууд идэвхитэй оролцлоо. Хуваарийн дагуу 144-р цэцэрлэгийн гадна талбайд 20 мод, бут, сөөгийг тарьж, эрүүл амьдрах таатай орчинг бүрдүүлэн ажиллав.

Сонгинохайрхан дүүргийн иргэдэд төрийн мэдээллийг ойртуулах зорилгоор Нийслэлийн Үйлчилгээний нэгдсэн төвийн гуравдугаар салбарыг Сонгинохайрхан дүүргийн 29 дүгээр хороо Драгон төвд байгууллаа. Туршилтаар ажиллаж эхэлсэн тус төвийн албан ёсны нээлт өнөөдөр болох ажээ.  “Драгон” төвийн талбайд байрлах “Нийслэлийн Үйлчилгээний нэгдсэн төв” нь:

• 1558 м2 талбайтай
• Үйлчилгээний танхим /Main service hall/
• Өөртөө үйлчлэх танхим /Self service hall/
• Албан хаагчдын контор /Back office/
• Хурлын өрөө /Conference room/
• Банк /Bank/
• Ёслол хүндэтгэлийн тайз
• Серверийн өрөө/Server room/
• Кафе /Coffee shop/
• Цайны газар/ Fast food/
• Шударга худалдааны цэг /Fair trade center/
• Хяналтын камерын өрөө/Monitoring room/
• Нотариат
• Үйлчилгээний мэдээлэл, санал хүсэлтийн хэсэг
• Хүлээлгийн хэсэг зэрэг танхимуудтай.

Өдөртөө 6720 үйлчлүүлэгч хүлээн авах хүчин чадалтай Драгон дахь нийслэлийн Үйлчилгээний нэгдсэн төвд нийслэлийн нутгийн захиргааны 27 байгууллага төвлөрч, 287 төрлийн үйлчилгээг иргэдэд үзүүлэх боломжтой юм байна.

Хан-Уул дүүрэг нь Монгол Улсын Ерөнхийлөгчийн 2010 оны 63 дугаар зарилгаар баталсан “Бүх нийтээр мод тарих үндэсний өдөр”-ийн хүрээнд  дүүргийн ногоон байгууламжийг нэмэгдүүлэх, нөхөн сэргээх, байгаль орчноо хамгаалах үйлсэд хүн бүрийн оролцоог нэмэгдүүлэх зорилгоор энэхүү ажлыг жил бүр уламжлал болгон амжилттай зохион байгуулж байна.  Энэ дагуу өнөөдөр Хан-Уул дүүргийн Соёлын ордны төв талбайд “Бүх нийтээр мод тарих үндэсний өдөр-2016” нээлтийн үйл ажиллагаа болж, тус ажлыг дүүргийн ЗДТГ-ын Дэд бүтэц тохижилтын хэлтсээс удирдан зохион явууллаа.

Мод тарих үйл ажиллагааны нээлтэнд ХУД-ийн ИТХ-ын дарга Д.Батбилэг, Засаг даргын орлогч С.Баасандолгор болон бусад албаны хүмүүс, ажилтан албан хаагчид оролцлоо.

Нээлтийн үйл ажиллагааны дараа ЗДТГ болон дэргэдэх хэлтэс албад, сургууль, цэцэрлэгийн ажилтнууд дүүргийн 10 дугаар хорооны “Буянт-Ухаа I” хорооллын урд нийтийн эзэмшлийн талбайд мод тарьсан юм. Түүнчлэн энэ өдөр дүүргийн хэмжээнд нийт 46 цэгт 9800 ширхэг мод тарьж байгаа аж.

ХАН-УУЛ ДҮҮРГИЙН ДЭД БҮТЭЦ ТОХИЖИЛТЫН ХЭЛТЭС

Улаанбаатар марафонд нэгдэцгээе” Нийслэлийн Засаг даргын нэрэмжит цом 2016 оны 05 дугаар сарын 13-ны өдөр Хан-Уул дүүргийн Засаг даргын Тамгын газрын Худалдаа үйлчилгээний хэлтэст ирлээ. Хан-Уул дүүргийн Засаг даргын Тамгын газрын Худалдаа үйлчилгээний хэлтсийн дарга В.Бэгз, бусад хаагчдад, дүүргийн Захиргаа, хуулийн хэлтсийн дарга М. Нямгэрэл болон бусад албан хаагчид цомыг шилжүүлэн өглөө.

ХАН-УУЛ ДҮҮРГИЙН ДЭД БҮТЭЦ, ТОХИЖИЛТЫН ХЭЛТЭС

Сүүлийн үед ахуйн хэрэглээний газ үнэрлэн мансуурах, улмаар амиа алдах хэрэг цөөнгүй гарсаар байна. Тухайлбал, ахуйн хэрэглээний хий үнэрлэж мансуурсан залуу хордлогонд орж, эмнэлгийн тусламж авч чадалгүй амиа алдсан харамсалтай хэрэг өнгөрсөн долоо хоногт гарчээ.

Тодруулбал, өнгөрсөн лхагва гарагт 18 настай эрэгтэй М нь Баянзүрх дүүрэг дэхь гэртээ ахуйн хэрэглээний хий үнэрлэжээ. Тэрээр ухаан алдаж гүн хордлогонд орж бие нь муудаад ЯТТ 103-ын машинаар дүүргийнхээ нэгдсэн эмнэлэг рүү хүргүүлэх замдаа амьсгал хураажээ. Мөн өнгөрсөн хоёрдугаар сард ийм төрлийн нэг хэрэг билээ. Тодруулбал, өсвөр насны гурван хүүхэд нууцаар ахуйн хэрэглээний газ үнэрлэж байгаад нэгнийх нь амьсгал боогдож эмнэлгийн тусламж авч чадалгүй өөд болсон харамсалтай хэрэг гарсан. Дашрамд дуулгахад, өсвөр насныхан дунд газ үнэрлэн мансуурах тохиолдол өнгөрсөн жилүүдээс 10 дахин өсчээ.

Оросын Астрахань мужийнх Исламгазы тосгоны оршин суугч Танзиля Бисембеевийг манай гарагийн хамгийн өндөр настай эмэгтэй гэж үзжээ.2016 оны гуравдугаар сард тэр 120 нас хүрсэн байна. Энэ дээд амжилтыг албан ёсоор бүртгэснийг хэвлэлд мэдээлжээ.Танзиля Исламгазы тосгонд бүх насаараа сууж байна. Тэр 19дүгээр зуунд 1896 онд бүр хаант Орост төржээ.Тэр Октябрийн хувьсгал, аугаа их эх орны дайныг үзэж,түүний үед дэглэм, жолоодогчид солигдож, ЗСБНХУ тарж бутарч, дефолт, хямрал болсон юм.

“Ээж маань энэ насандаа оллон зүйлийг үзсэн хүн, Распутинээс Путинийг хүртэл аж төрсөн гэсэн үг.Тэр тариалангийн талбай, тарвасны талбайд насан туршддаа ажилласан юм” гэж түүний хүү Шинтас Бисембеев ярьж байна.Түүний хувийн амьдралд амаргүй байсан бөгөөд анхны хүүхэд нь бүр багадаа нас барж, анхны нөхөр нь эх орны дайны фронтод алагджээ.

Гэвч дайны дараа тэр 49 настайдаа дахин нөхөрт гарч, 53 настайдаа нэг хүү, жилийн дараа хоёр дахь, харин 57 настайдаа гурав дахь хүүхдээ төрүүлжээ. Одоо Танзилья эмээ хайртай хүүхдүүдийнхээ халамжинд аз жаргалтай аж төрж байгаа бөгөөд тэр арван ач, 24 жич, гуч, 2 зээнцэртэй бөгөөд хамгийн багаас нь 119 насаар аж ажээ.Харин тэр казах уламжлалаар бага хүүгийндээ суудаг байна.

Дэлхийн улс үндэстнүүдийн дотор хамгийн их унтдаг хүмүүс нь голландчууд бол хамгийн бага цагийг орондоо өнгөрүүлдэг иргэдээр япон болон сингапурчууд тодорчээ. Эрдэмтэд дэлхийн 100 гаруй улсын иргэдийн дотор судалгаа явуулсан аж.

Мичиганы их сургуулийн эрдэмтэд гар утасны үнэгүй хавсралтын тусламжтайгаар хэдэн мянган хүмүүсийн нойрны онцлогийн талаарх мэдээллийг олж авчээ. Түүнээс харахад эмэгтэйчүүд эрчүүдээс дунджаар 30 минут илүү унтдаг болох нь тодорхой болжээ. Тэд орой эрт унтаж, хожуу сэрдэг байна. Ялангуяа энэ нь 30-60 насны хүмүүст зонхилж буй аж.

Тэгвэл дунд насны эрчүүд бүтэн нойртой явдаггүй бөгөөд хоногтоо тэд 7-8 цагаас илүү унтдаггүй байна. Эцэст нь эрдэмтэд нойрны цаг хугацааг тодорхойлох насны чухал үүргийг олж тогтоожээ. Хүмүүс хэдий чинээ нас явах тусам төдий чинээ эрт унтдаг болох нь тодорхой болсон байна

Английн Премьер лигийн энэ улирлын шилдэг тоглогчоор шалгарсан “Лестер”-ын хагас хамгаалагч Рияд Марезыг Их Британийн төдийгүй Европын топ багууд хүртэл сонирхох болжээ.“Арсенал”, “Манчестер Юнайтэд” болон “ПСЖ” зэрэг олон баг 25 настай Алжирын шигшээ багийн тоглогч залууг өөртөө авахыг хүсэж байгаа аж.

Дээрх багуудаас гадна Испанийн “Барселона” болон “Реал” ч мөн Марезыг багтаа авахыг санаархах болжээ.Харин “Лестер” баг илүү сайжруулсан нөхцөл бүхий гэрээг Марезд санал болгожээ.

Таван сарын халгайг ардын уламжлалт эмчилгээнд өргөн хэрэглэдэг. 5-р сарын дунд үеэс ойн зах эсвэл цэвэр хээрийн гуу жалгаас халгайг түүж болно. Энэ үед халгай 25-30 см ургасан байдаг.Таван сарын халгайг хатааж эсвэл шууд хэрэглэж болно. Халгай нь амин дэмээр баялаг тул биеийн дархлаа тэтгэх, гоо сайхныг жавхаажуулах зорилгоор хоол хүнсэнд эмчилгээний журмаар, мөн гадуур угааж шавшиж хэрэглэж болно.Таван сарын халгайг түүж шөл хуушууранд хийж идэхэд ядаргаа тайлагддаг. Ер нь халгайг заавал таван сар гэлтгүй 8-9 сард ч түүн авч хатааж хэрэглэж болно. Халгай нь К болон С витаминаар баялаг, уураг, төмөр зэрэг элементүүдийг их хэмжээгээр агуулдаг.

Цус багадалттай хүмүүс 500 грамм зөгийн баланд 100 грамм хатааж нунтагласан халгайг хийж найруулан, хооллосны дараа өдөрт амны халбагаар 3 удаа ууна.

Элэг цөс ходоод шулуун гэдэсний салстын үрэвсэл, цагаан мах эргэх, нойр хулжих, усан хаван хөөх, эмэгтэйчүүдийн савны өвчинд халгайг өргөн хэрэглэнэ. Үүний тулд 200 мл халуун усанд хатааж нунтагласан нэг цайны халбага халгайг хийж 1 цаг орчим идээшүүлж өдөрт гурав хуваан хоолны дараа ууна.Арьс жавхаажуулахад хатааж нунтагласан халгайнаас 1-2 хоолны халбагыг аяганд хийж халуун усаар зуурч 10 минут идээшүүлнэ. Халгайны бүлээн каш /зутан/-аар нүүр болон хүзүүндээ түрхэж 20-25 минутын дараа усаар угаана. Энэхүү нялх халгайны маскийг бүх төрлийн арьс арчилгаанд хэрэглэхэд өнгөлөг толигор болгохоос гадна тэжээл өгөх сайн талтай.Тархины судасны нарийсал, үс уналтыг зогсоох зорилгоор халгайн хандаар угааж шавшиж хэрэглэж болно.Судасны нарийслын үед бигнүүр тавих ба 200 грамм халгайг ууранд жигнэж биеийн дулаантай ижил болгон толгойд бигнүүр тавина. Мөн 200 грамм хатаасан халгайг 300 мл усанд хийж буцалган 200 мл хүртэл идээшүүлээд шингэнээр нь үс болон хуйхандаа шүршиж шавшиж хэрэглэнэ. Судасны нарийслын үед эмчилгээний тун нь өдөрт 3 цагаар 15 минут тутам хуйханд шүршиж 7 хоног хэрэглээд 14 хоног амарна. Эмчилгээг үр дүн гартал үргэлжлүүлнэ. Үсний чанарыг дээшлүүлэхэд 7 хоногт 2-3 удаа үсэндээ шүршиж хэрэглэнэ.