Хан-Уул дүүрэгт 2.500.000 мод тарих ажилд СӨХ-той хамтран ажиллана

БОАЖ-ын сайд Б.Бат-Эрдэнэ Монгол Улсын Ерөнхийлөгчийн санаачилгаар хэрэгжиж буй “Тэрбум мод” үндэсний хөдөлгөөний хүрээнд СӨХ-ны Дээд зөвлөл болон Нийслэлийн Хан-Уул дүүргийн СӨХ-ны удирдлагуудтай хамтарч ажиллах, ногоон хөгжлийн сайн санаачилгыг дэмжих, санал солилцох уулзалт хийв.

Мөн UNESCAP ОУ-ын форумын хүрээнд ПИН – ОУ-ын байгууллагын зохион байгуулж буй “Агаар нэг – ХАКАТОН” уралдааны удирдамж, мэдээллийг хүргэв.

Уулзалтаар тэдний тулгамдсан асуудлуудыг шийдвэрлэх, газар дээр нь холбогдох газрын дарга, мэргэжилтнүүдийн хамтарсан баг гарган ажиллахаар боллоо.

Өнөөдөр ажлын хэсэг Хан-Уул дүүргийн 11, 23 дугаар хороонд ажиллаж байна гэж БОАЖЯ-наас мэдээллээ.