Нийслэлийн Иргэдийн Төлөөлөгчдийн хурлын Нийгмийн хөгжлийн хороо, Нийслэлийн Боловсролын газартай хамтран зохион байгуулж буй “Монгол хүн” хүмүүжлийн аяны 4 дэх удаагийн зөвлөгөөн UB PALACE-ын концертын их танхимд өчигдөр зохион байгуулагдлаа.
“Монгол хүн бэлтгэхэд сургуулийн өмнөх боловсролын байгууллагын үүрэг, оролцоо” сэдэвт уг зөвлөгөөнд Нийслэлийн СӨБ-ын 3000 багш оролцож, тус салбарт тулгамдаж байгаа 10 асуудлыг хэлэлцэж гарц шийдлийг ярилцжээ.

“Монгол хүн” хүмүүжлийн аяны зорилго нь Мянганы хөгжлийн зорилтод суурилсан Үндэсний хөгжлийн цогц бодлогыг хэрэгжүүлэх үүднээс хүний эрхийг эрхэмлэн, уламжлалт ёс заншлаа дээдлэн өвлүүлэх, байгаль дэлхийгээ хайрладаг, авьяас чадвараа хөгжүүлэн сурч боловсрох эрмэлзлэлтэй, бүтээлч, хариуцлагатай, уужуу хол чухаантай, өгөөмөр зочломтгой, үнэнч шударга иргэдийг төлөвшүүлэхэд чиглэгдэж байгаа юм.
Тус “Монгол хүн” хүмүүжлийн аянд төрийн болон төрийн бус өмчийн 661 цэцэрлэг, ерөнхий боловсролын 225 сургууль, 8 боловсролын төв хамрагдах бөгөөд 2020 он хүртэл 4 жилийн хугацаанд үргэлжлэх аж.
Аяны үр дүнг 2020 оны 6 дугаар сарын 1-ний өдөр дүгнэх юм байна.

Энэ удаагийн “Монгол хүн бэлтгэхэд сургуулийн өмнөх боловсролын байгууллагын үүрэг, оролцоо” сэдэвт зөвлөгөөнд НИТХ-ын дарга С.Амарсайхан, НИТХ-ын төлөөлөгч, Нийгмийн хөгжлийн хорооны дарга, тус аяныг санаачлагч Д.Мөнхжаргал, Нийслэлийн Боловсролын газрын орлогч дарга Ц.Отгончимэг болон дүүргийн боловсролын хэлтсийн дарга оролцлоо.
Тус зөвлөгөөн нь сургуулийн өмнөх боловсролын байгууллагын өнөөгийн хүрсэн ололт амжилт хийгээд тулгамдаж байгаа асуудлаа хэлэлцэн, шийдвэрлэх гарцыг тодорхойлох, бага насны хүүхдийг гэмт хэрэг болон гэмт хэргийн шинжтэй, болзошгүй осол, эрсдэлээс урьдчилан сэргийлэх, энэ чиглэлээр төрийн болон төрийн бус байгууллагууд ажлын уялдаа холбоогоо улам сайжруулан, эрүүл аюулгүй орчинд амьдрах нөхцөлийг хангахын төлөө бүтээлч санаачилгатай, хариуцлагатай хамтран ажиллах зорилгын дор зохион байгуулагдаж байгаагаараа онцлог юм.

Зөвлөгөөний үеэр ЕБС, СӨББ-ын багш ажилтаны “Монгол хүн” хүмүүжлийн цогц хөтөлбөр боловсруулах, арга туршлага солилцох, дэлгэрүүлэх, сургалтын үйл ажиллагаандаа хэрэгжүүлэн нэвтрүүлж байгаа шинэлэг арга технологи, хүүхдийн төлөө олон нийтийн байгууллагуудтай хамтран хэрэгжүүлж байгаа санал санаачлагуудыг нэгтгэсэн “Монгол хүн” цахим сэтгүүлийг нийслэлийн мянга мянган багш сурган хүмүүжүүлэгчид, эцэг эхчүүдэд зориулан гаргаж байна.
Энэхүү сэтгүүл нь улирал бүр монголын түүчээ болсон 48000 багш нарт цахим ертөнцөөр хүрч сонорыг мялаах юм.



Нийслэлд цас орохтой холбогдуулан байгууллагууд бэлтгэлээ хангаад байна
Самбуугийн Энх-Эрдэнэ: Хорих ангиас ирсэн захидал миний үйлчлүүлэгчээсээ авсан том шагнал
Өвлийн идэш-2026 мах сүү, цагаан идээний нэгдсэн худалдааг зохион байгуулна
“УБТЗ” ХНН энэ онд 35 сая тн ачаа тээвэрлэж, түүхэн дээд амжилт тогтоох төлөвтэй байна
Цас орж, замын хөдөлгөөний ачаалал нэмэгдэх эрсдэлтэй байна
Согтуугаар тээврийн хэрэгсэл жолоодсон 73 зөрчил бүртгэгджээ
Өнөөдөр цагаагчин туулай өдөр
Улаанбаатарт өдөртөө +1 градус дулаан
УДЭТ-ын жүжигчин О.Энхтуул Монгол Улсын гавьяат жүжигчин цол хүртлээ
Орчин цагийн мэргэжлийн урлагийн ууган байгууллага-Улсын драмын эрдмийн театрын 95 жилийн ой тохиож байна
БНХАУ-д орон сууцны цогцолборт гал гарч, 14 хүн амиа алджээ
“Оюу Толгой” ХХК 2027 оноос ногдол ашиг олгоно гэдгээ захидлаар мэдэгдлээ
Улаанбаатарт өдөртөө +6 градус дулаан
Өнөөдөр цагаан бар өдөр
Архангайд айлуудын гэрт хулгай хийсэн дөрвөн этгээдийг баривчилж, 31 хөөрөг, 19 даалин хураан авчээ
Засгийн газрын ээлжит хуралдаанаас гаргасан шийдвэрийг танилцуулж байна
Есөн улсын 129 иргэнийг Монгол Улсаас албадан гаргав
Тэгш, сондгойгоор замын хөдөлгөөнд оролцсон өдрүүдийн зам ашигласны төлбөрөөс чөлөөлнө
Аюулт үзэгдэл, ослын 99 удаагийн дуудлага бүртгэгдлээ
Б.Пүрэвдагва: Энэ өвөл эрчим хүчний хэмнэлттэй, дулаан хуримтлуурын технологи нэвтрүүлэн янданг 7-10 мянгаар цөөлнө
МАН-ын гишүүд, дэмжигчдийн холбооны ерөнхий нарийн бичгийн даргаар Н.Амартүвшин томилогдло
“Ган үзэг -2026” оны тэргүүн шалгаруулах наадмын нэр дэвшүүлэлт эхэллээ
УИХ-ын гишүүн Ц.Мөнхтуяа “Нээлттэй парламент” танхимд 92 иргэнтэй уулзаж, санал хүсэлтийг
55 тооны бод мал хулгайлсан этгээдүүдийг илрүүллээ
“Их Засаг ба Хууль засаглахуй” сэдэвт эрдэм шинжилгээний хурал өнөөдөр болно
“Чингис хаан” тэргүүн зэргийн одонг Шинжлэх ухааны академид хүртээнэ
