“Би хариуцлагатай аав ээж” аян өдөрлөг Налайх дүүрэгт боллоо

Өдөрлөгт гэр бүл судлаач Ж.Баясгалан, Налайх дүүрэг дэх цагдаагийн хэлтсийн гэр бүлийн хүчирхийлэл, хүүхдийг гэмт хэргээс урьдчилан сэргийлэх мэргэжилтэн, цагдаагийн ахмад н.Дэлгэрмаа нар хүүхдийг хэрхэн эерэг зөв аргаар хүмүүжүүлэх, гэмт хэрэг, зөрчлөөс урьдчилан сэргийлэх талаар сонирхолтой лекц уншсан юм.

“Би хариуцлагатай аав ээж” аян нь:
Төрийн болон аж ахуйн нэгж байгууллагуудыг хүүхэд хамгааллын бодлоготой болгох,
Эцэг эхийн зөвлөлийн үйл ажиллагааг идэвхжүүлэх,
Байгууллагын ажилтан албан хаагчдаар дамжуулан гэр бүл, нийгмийн хүрээнд хүүхдийн аюулгүй байдлыг хангах,
Хүүхэдтэй зүй бус харилцах, хүүхдийн эсрэг хүчирхийлэл, хүүхдийг эрсдэлт нөхцөлд орохоос урьдчилан сэргийлэх, хамгаалахад эцэг эхийн үүрэг хариуцлагыг нэмэгдүүлэхийг уриалах, сурталчлах зорилготой юм.

Энэхүү аян нь 2019 оны долоодугаар сарын 01-ний өдрөөс 2020 оны долоодугаар сарын 01-ний өдөр хүртэл бүтэн жил үргэлжлэх юм.