Өнөөдөр буюу дөрөвдүгээр сарын 25-ны Даваа гарагт дараах байршлуудад цахилгаан эрчим хүч түгээдэг шугам тоноглолд урсгал засвар хийх тул Та бүхэн хэрэглээгээ түр зохицуулна уу.

Баянзүрх дүүрэг:  

10.30-17.30 цагт: 20-р хороо Гачууртын төвийн хойд хэсэг, Шар хоолойн ам

Чингэлтэй дүүрэг:  

10.30-17.30 цагт: 6-р хороо 44, 50, 52, 53, 54, 65-р байр, ЧД-ийн НДХ, ЭМН, Эхлэл МСҮТ

Хан-Уул дүүрэг:  

11.00-17.00 цагт: Буянт-Ухаа спортын ордны арын ГХ-ын дахин төлөвлөлтийн барилга

11.00-18.00 цагт: УСУГ худагууд

Сонгино хайрхан дүүрэг:

11.00-18.00 цагт: 24, 26-р хороо Мандал овооны 37-39, Зээлийн 1-3, 7-8, 12-14-р гудамж, Зээлийн энгэр болон эдгээрийн ойр орчмоор

Налайх дүүрэг:

10.00-18.00 цагт: 5-р хороо Гандан-Ам, Гандан-Уул, 337-р ЦА, Аржанчивлан рашаан сувилал болон эдгээрийн ойр орчмоор

 Бага хангай дүүрэг:  

10.00-18.00 цагт: Илч Орд НӨҮГ, ЗДТГ

Төв аймаг

11.00-17.00 цагт: Шохой, Харзтай чиглэлийн бүх хэрэглэгчид

Цахилгаан эрчим хүчээр түр хязгаарлагдах хэрэглэгчдийг байршлаар нь баримжаалан жагсааж байгааг анхаарна уу. Цаг агаарын болон болзошгүй аваар саатлаас шалтгаалан хуваарьт өөрчлөлт орох магадлалтай ба өөрчлөгдсөн тохиолдолд УБЦТС ТӨХК-тай байгуулсан гэрээнд бүртгэлтэй утсаар холбогдож ААН, үйлдвэр, компаниудад мэдээлэх болно.

Цахим үйлчилгээ: my.tog.mn

Мэдээлэл, лавлагаа авах утас: 70047004

Цагдаагийн Ерөнхий газрын дарга, тэргүүн комиссар Р.Чингисийг албан үүргээс нь чөлөөлөх асуудал өнгөрсөн долоо хоногоос яригдаж эхэлсэн. Тодруулбал, Хууль зүйн сайд Д.Дорлигжав Ерөнхий сайдад түүнийг албан үүргээс нь чөлөөлүүлэх хүсэлтийг хүргүүлсэн юм.

Тэгвэл өнөөдрийн засгийн газрын хуралдаанаар, Цагдаагийн Ерөнхий газрын дарга, тэргүүн комиссар Р.Чингисийг албан үүргээс нь чөлөөлж, түүний оронд ШШГЕГ-ын дарга Б.Билэгтийг томилохоор болжээ.Харин ШШГЕГ-ын даргаар дотоодын Цэргийн штабын орлогч дарга хурандаа Ж.Амгаланг томилохоор болсон талаар эх сурвалжууд мэдээллээ.

Бүсгүйчүүдийн  ихэнхдээ арьсандаа анхаарал тавьдаг. Тэгвэл бүсгүй таныг илэрхийлж байдаг чухал эрхтэн бол хумс юм. Хумс гэмтэх үндсэн шалтгаан хүнс тэжээлтэй холбоотой байдаг. Хумс нэг газраа дахин дахин салаалж, хутарамтгай болох, хумсан дээр толбо, зураас гарах зэрэг нь ямар нэгэн өвчний шинж байж болно.

Танд хумсаа арчлахад өдөрт ердөө 5-10 минут шаардлагатай. Иймээс та хумсаа сайхан арчилгаатай, гялалзсан байлгая гэвэл дараах хялбархан зөвлөгөөнүүдийг мөрдөөрэй. Орой болгон ургамлын тос, загасны тос, хэдэн дусал иодтой усанд хумсаа 10 минут дүрж болно. Мөн хумсаа бэхжүүлэхийн тулд хумсаа нимбэгний шүүс, оливын тос эсвэл глицеринээр арчих хэрэгтэй. Хумсыг сайхан өнгөлж болно. Yүний тулд зөөлөн даавуугаар эсвэл нимбэгний гаднах хальсны дотор талын цагаанаар ч өнгөлж болно.

Тархийг олон аргаар олон аргаар амрааж болно. Тархи яагаад ядардаг, яагаад амардаг юм гэхээр тархи олон төрлийн мэдээлэл авна, төдий чинээ их ядарна. Тэгэхээр тэр мэдээллүүдийг өөр мэдээллээр солих юмуу, нүдэнд харагдаж байгаа өчнөөн олон юмыг харагдахгүй байгаа өөр юмаар сольж чадвал сая амарна. Ф.Энгельс юм бичиж байгаад ядрахдаа шатар тоглодог байсан гэдэг.

Энэ бол өөр. Бичиж байхдаа бодож байсан юмнууд нь шатар тоглохоор алга болж, анхаарал нь өөр тийшээ хандаад явчихаж байна. Хоньчин хүн алаг цэцгийн дунд, аглаг хөндий дотор хонио тасралтгүй хариулж яваад мэдрэлийн ядаргаанд орчихно. Хонио хариулж явахдаа зүгээр явахгүй л дээ хаана хурга үлдэж байна, хаана үс ноос нь унаж байна гэдэг юмуу, хээл хаяж байна уу, цаг агаар ямар байна гэх мэтчилэн сэтгэл нь байнга зовж явдаг.

Тийм хүнийг өөр газар аваачиж, чулуу нүүрс ухуулж байсан туршлага ч надад бий. Сайхан эдгээд явж байсан. Тэгэхээр тархинд ачаалал өгч буй тэр зүйлийг хэсэг хугацаанд орхих хэрэгтэй.

Өнөөдрийн байдлаар нийт эх малын 50.3 хувь буюу 12.1 сая эх мал төллөж, 11.9 сая төл хүлээн аваад байгаа тухай Хүнс хөдөө аж ахуйн яамны Мал аж ахуйн бодлогын хэрэгжилтийг зохицуулах газрын ахлах мэргэжилтэн Б.Мэнджаргал өнөөдөр сэтгүүлчдэд мэдээллээ.  Төлийн тоо өмнөх долоо хоногоос 1.9 саяар нэмэгдсэн байна. Үүнээс 34.2 мянган ботго, 103.2 мянган унага, 309.9 мянган тугал, 6.2 сая хурга, 5.2 сая ишиг бойжиж, төл бойжилт 92.7 хувьтай байна. Нийт малын хорогдол 931.4 мянга болж өмнөх долоо хоногоос 27.0 мянгаар нэмэгдсэн байна. Үүнээс, тэмээ 325, адуу 34.2 мянга, үхэр 90.5 мянга, хонь 334.6 мянга, ямаа 471.7 мянга буюу оны эхний нийт малын 1.7 хувийг эзэлж байна. Хамгийн их хорогдолтой аймагт Сүхбаатар (149.220), Увс (147.994), Архангай (101.630),  Завхан (93.559), Баянхонгор (87.100)  аймгууд багтаж байна. Энэ нь оны эхний нийт малын 2.3-5.4 хувийг эзэлж байгаа юм. Ойрын өдрүүдэд цаг агаар тогтворгүй, салхи шуурга ихтэй байгаа ч малын зүй хорогдлоос бусад хохирол гарсан мэдээ одоогоор ОБЕГ болон яамны Шуурхай штабт ирээгүй байна.

Монгол улсад зуны олимпийн XXXI наадмын чөлөөт бөх, сонгомол барилдааны сонгон шалгаруулах дэлхийн “The first “Last-Chance” /Эхний –сүүлчийн бололмж/ тэмцээн болж байна. Буянт-Ухаа спортын ордонд олимпийн эрхийн тэмцээн өнөөдөр сонгомол барилдаанаар эхэллээ. Тэмцээнд оролцохоор 80 орны 600 гаруй тамирчид багийн хамт хүрэлцэн ирээд байна. Мөн Дэлхийн бөхчүүдийн нэгдсэн холбооны ерөнхийлөгч Сербийн иргэн Ненад Лалович, ДБНХ-ны дэд ерөнхийлөгч, Гүйцэтгэх хорооны болон Товчооны гишүүн Узбекстаны Ахрол Ахмедович Рузиев, ДБНХ-ны шүүгчдийн зөвлөлийн дарга Германы иргэн Антонио Силвестри нарын хүндэт төлөөлөгчид хүрэлцэн ирсэн.

Тэмцээнийг шүүхээр олон улсын шүүгч 40 шүүгч ажиллаж байна. Тэдний дунд олимпийн зэрэглэлийн шүүгч, олон улсын шүүгч Ц.Сэрээтэр, Б.Төмөрбаатар нар багтсан юм.

ДНБХ-ны шүүгчдийн зөвлөлийн дарга А.Силверсти “Энэ тэмцээн өрсөлдөөнтэй сайхан болж байна. Шүүгчдийн зүгээс өндөр шаардлага тавьж ажиллана. Барилдааны үед хоёр дасгалжуулагч дэвжээнд ойр байна. Одоогоор 40 шүүгч тэмцээнийг шүүж байгаа. Олон улсын нислэгийн улмаас зарим шүүгчид Монгол Улсад хараахан ирж чадаагүй. Гэхдээ тэд өнөөдөр хүрэлцэн ирнэ. Тиймээс тэмцээнийг шүүх шүүгчид нэмэгдэнэ” гэлээ.

Олимпийн эрх олгох тэмцээний  нээлтийн ажиллагаа өнөөдөр 17.30 цагаас эхлэх бөгөөд үргэлжлээд сонгомол барилдааны финалын тоглолтууд болно.

Энэ удаагийн тэмцээн гурван дэвжээн дээр явагдаж байгаа бөгөөд “А” дэвжээний барилдааныг “МҮОНТ”, “Б” дэвжээний барилдааныг “ntv”, “С” дэвжээний барилдааныг “Сүлд” телевиз шууд дамжуулж үзүүлж байна.

Ази, Европын орнуудын дээд хэмжээний 11 дүгээр уулзалтын бэлтгэлийг хангах ажлын хүрээнд “Нийтийн үйлчилгээний Улаанбаатар нэгтгэл” Нисэх, Яармаг, Наадамчдын зам, Чингисийн өргөн чөлөөний зам дагуу тэмдгийн арчилгаа, цэвэрлэгээний ажил хийгдэж байна. Өнөөдрийн байдлаар 500 гаруй тэмдгийг угаагаад байгаа ба гэрлийн шонгуудыг цэвэрлэж байна.

Энэ онд нийт 45 гудамжны зам талбайд хэвтээ тэмдэглэгээний ажил хийхээр төлөвлөсөн бөгөөд Жамьянгүний гудамжинд хэвтээ тэмдэглэгээний ажил хийж эхлээд байгаа юм. Мөн “Эрүүл мэнд нийгмийн бодлогын хүрээлэн”-гээс “Нийтийн үйлчилгээний Улаанбаатар нэгтгэл”-ийн Зүүн салбарын зам цэвэрлэгээний машины үйл ажиллагаанд шөнөөр хяналт тавин ажиллаж байна.

Хяналтын үеэр шалгалтын ажлын хэсгийнхэн цэвэрлэгээний машинуудын зам талбайд хэрхэн ажиллаж байгаатай газар дээр нь танилцсан юм. Энхтайваны өргөн чөлөө, Чингисийн өргөн чөлөө, Их тойруу, Бага тойруу, Ганди, Олимп,Сөүлийн гудамж гэх мэт замуудад цэвэрлэгээ хийж байв.

Дөрөвдүгээр сар гарснаас хойш тус улсын зүүн болон өмнөд бүсийн нутагт агаарын хэм 40 градусаас давж, лхагва гарагт Одиша мужид агаарын хэм 47 градуст хүрчээ. Албаны хүмүүсийн мэдээлснээр, хэт халуунаас болж цусны даралт ихсэн харвалт өгөх, шингэн дутагдах болон зүрх судасны бусад өвчний улмаас 160 хүн нас барсан байна. Тэдний ихэнх нь гадаа гудамжинд ажилладаг хүмүүс байжээ. Цаг уурын албаны мэдээгээр, цаашид улам халах төлөвтэй байна. Андра Прадеш мужид ган гачигт нэрвэгдсэн хүмүүсийг усаар хангаж чадахгүй бол байдал бүр дордож магадгүй болжээ.  Өнгөрсөн онд Энэтхэгт хэт халууны улмаас 2000 хүн нас барсан юм.

Хороодын иргэдийн экологи, амьдрах ухааны мэдлэгийг дээшлүүлэх, иргэдийг чадваржуулах зорилгоор Хан-Уул дүүргийн Албан бус -Насан туршийн  боловсролын төвийн багш нар дүүргийн 10 дугаар хороотой хамтран 2016 оны 04 сарын 14-ны өдөр “Эко орчинг бид бүтээнэ” өдөрлөгийг зохион байгууллаа.

Өдөрлөгт  оролцсон иргэдэд тасалгааны болон талбайн цэцэг хэрхэн тарьж арчлах талаар  үзүүлэх сургалт хийж, зөвлөмж өгсөн нь цаг үеэ олсон,  ач холбогдолтой  сургалт боллоо.

“Нийслэлийн шилдэг” хороогоор шалгарсан Хан-Уул дүүргийн 1 дүгээр хорооны үйл ажиллагааг орон сууцны хороодод сурталчлах, харилцан туршлага солилцох, үйл ажиллагааг идэвхжүүлэх зорилгоор “Мэдээллийн хүртээмжийг сайжруулах нь” сэдэвт туршлага солилцох уулзалт сургалтыг 2016.04.22 ны өдөр зохион байгуулж байна.

Энэхүү туршлага солилцох уулзалт сургалтанд НЗДТГ-ын Нутгийн захиргааны удирдлагын хэлтсийн дарга Ү.Ганболд, ХУД-ийн Засаг даргын орлогч С.Баасандолгор, Нийслэлийн 52 хороодын Засаг дарга нар оролцлоо.

Уулзалтын үеэр хорооны тохижилт бүтээн байгуулалт, шинээр санаачлан зохион байгуулсан ажил, “Хөршийн холбоо”, “Орон нутгийн хөгжлийн сан”, Хяналтын сайн дурын бүлэг Хороо СӨХ-ын хамтын ажиллагаа, Мэдээллийн хүртээмжийг сайжруулах /мэдээлэл түгээх/ сургалт танилцуулгыг 1 дүгээр хорооны Засаг дарга Б.Болд, Хорооны Иргэний танхим, архивын үйл ажиллагаа, “Чанартай амьдрал” клубын танилцуулгыг дотоод ажил хариуцсан зохион байгуулагч Д.Алтансувд, Б.Цэнгэл нар танилцуулсан юм.

Нийслэлийн хороодын Засаг дарга нарын үйл ажиллагааг идэвхжүүлэх, хороодын засаглалын чадавхийг сайжруулах, ажлын шинэ санал санаачлагыг дэмжих, төрийн үйлчилгээг цахим технологи ашиглан үр дүнтэй, бүтээлч,  шуурхай зохион байгуулах, бодит үр дүнг дээшлүүлэх, иргэдийн оролцоог нэмэгдүүлэх зорилгоор Нийслэлийн “Шилдэг хороо” шалгаруулах болзолт уралдааныг  НЗДТГ-аас нийслэлийн 152 хорооны дунд жил бүр уламжлал болгон зохион байгуулж байгаа билээ.

Энэхүү болзолт уралдаанд ХУД-ийн 1-р хороо нь 2014 онд 3-р байр, 2015 онд 1-р байранд орж шилдгийн шилдэг хороогоор шалгарсан.

ХУД-ийн 1 дүгээр хороо нь  дүүргийнхээ 157 га газар нутагт орших 2299 өрх 9498 хүн ам бүхий  45 байрыг хамруулсан орон сууцны хороо юм.

2013 оноос Буянтогтохын Болд Засаг даргын үүрэгт ажлыг гүйцэтгэж байна.

УИХ-ын чуулганы өнөөдрийн хуралдаанд УИХ-ын дэд дарга Л.Цог УИХ-ын гишүүн Ц.Даваасүрэн, Х.Болорчулуун нарыг МАН-ын бүлэгт нэгдсэн гэдгийг албан ёсоор танилцуулав.

Учир нь УИХ дахь МАН-ын бүлгийн дарга С.Бямбацогтын гарын үсэгтэй эдгээр гишүүдийг тус бүлэгт нэгдсэн тухай албан тоот ирсэн тул хуралдааныг даргалагч уншиж сонсголоо.

УИХ-ын гишүүн Ц.Даваасүрэн, Х.Болорчулуун нар өнгөрөгч даваа гарагт хуралдсан МАН-ын Бага хурлын IV хуралдааны үеэр тус намд элссэн. Үүгээр энэ удаагийн парламент бие даагч гишүүнгүй болж байгаа ба даваа гараг бүрийн 11 цагт хийдэг мэдээллийн цаг татан буугдаж байна.

Үндсэн хуулийн цэцийн дунд суудлын өнөөдрийн хуралдаанаар оны өмнөхөн батлагдсан Сонгуулийн тухай хуулийн томоохон заалт Үндсэн хуулийг зөрчсөн эсэхийг хэлэлцэж шийдвэрээ гаргалаа. Тус хуралдаан багагүй хугацаанд, талуудын маргаан дунд үргэлжилж жагсаалтаар сонгогдож УИХ-ын гишүүн болох нь Үндсэн Хуулийг зөрчсөн байна гэх шийдвэрийг гаргалаа. Ингэснээр УИХ-ын сонгуулийн тухай хуульд намын жагсаалт гэсэн хэсгийг хасч гишүүд жагсаалтаар сонгогдох боломжгүй болж байна.

Энэхүү хуралдаанаар Улсын Их Хурлын сонгуулийг хувь тэнцүүлсэн буюу пропорциональ хэлбэрээр явуулах боломжийг Монгол Улсын Үндсэн хуулиар хүлээн зөвшөөрөөгүй, харин аль нэг намд бус нэр дэвшигч иргэнд өөрт нь саналаа өгч Улсын Их Хурлын гишүүнийг сонгох үзэл баримтлалыг тогтоосон хэмээн Цэц үзээд Сонгуулийн тухай хуулийн 7 дугаар зүйлийн 7.1.1 дэх заалтын хувь тэнцүүлсэн тогтолцоотой байх тухай заалт, 120 дугаар зүйлийн 120.3 дахь хэсгийн Улсын Их Хурлын 28-аас илүүгүй гишүүнийг хувь тэнцүүлэх сонгуулиар сонгохоор заасан заалт нь Үндсэн хуулийн Хорин нэгдүгээр зүйлийн 2, 3 дахь хэсгийн холбогдох заалтыг тус тус зөрчсөн байна хэмээн шийдвэрлэлээ.

Ямартай ч Үндсэн хуулийн цэцээс жагсаалтыг Үндсэн хуулийг зөрчсөн гэж ийнхүү үзлээ. Одоо УИХ-аас цэцийн шийдвэрийг хүлээж авах эсэх асуудал яригдаж хэрэв дээрх шийдвэрийг хүлээн авбал Сонгуулийн тухай хуульд өөрчлөлт орох юм. Мөн хуудуутай шийдвэр гэж УИХ-ын гишүүд үзвэл Үндсэн хуулийн цэцийн Их суудлын хуралдаанаар хэлэлцэн эцэслэх юм.

2016 оны олимпийн наадмын чөлөөт бөх, сонгомол барилдааны сонгон шалгаруулах дэлхийн “The first Last-Chance” тэмцээний сонгомол барилдаан өнөөдөр 09:00 цагт “Буянт Ухаа” спортын цогцолборт эхэллээ.

Энэ тэмцээнд 80 орны 600 гаруй тамирчин сонгомол, чөлөөт бөхийн төрөлд өрсөлдөхөөр мэдүүлгээ өгсөн.

Өнөөдрийн хувьд 59, 66, 75, 85, 98, 130 кг-ын жинд 51 орны 151 тамирчин оролцоно. Тэдний дунд олимпийн нэг, дэлхийн зургаан удаагийн аварга Ираны бөх Хамид Сорианаас гадна олимп, дэлхийн аварга, медальтан олноор барилдаж байна. Сонгомол барилдаанаас жин бүрийн медальт байрт шалгарсан эхний гурван тамирчин олимпийг зорих эрхтэй болно.

Нээлтийн үйл ажиллагаа 17:30 цагаас эхэлнэ.

 “Лалын улс” бүлэглэлийн босогчид бэлгийн мөлжлөгт автагдан боол болохоос татгалзсан 250 охид, эмэгтэйчүүдийг Иракийн хойд нутагт цаазаар авсан байна. “Лалын улс” бүлэглэлийн босогчид Иракийн хоёр дахь том хот болох  Мосулыг хяналтандаа авснаас хойш тус хотын охид, эмэгтэйчүүдээс сонгож, тэднийг террористуудтай гэрлэхийг шаарддаг бөгөөд үүнийгээ түр хугацааны гэрлэлт гэж нэрлэдэг аж. Хэрвээ охид, эмэгтэйчүүд энэ гэрлэлтээс татгалзваас цаазлуулдаг гэж Курдын Ардчилсан намын хэвлэлийн төлөөлөгч Саид Мамузини ярьсан байна. Мөн тэрбээр, одоогийн байдлаар бэлгийн боолчлолыг эсэргүүцэн босогчидтой гэрлэхээс татгалзсан 250 охидыг “Лалын улс” бүлэглэлийнхэн цаазаар аваад байгаа бөгөөд зарим үед тэднийг гэр бүлийнхэнтэй нь хүртэл цаазалдаг гэж мэдэгджээ.