Хан-Уул дүүргийн 10 дугаар хорооны Морин хэсэгт бага сургууль, цэцэрлэгийн цогцолбор ашиглалт орж эхний ээлжинд 135 дугаар бага сургууль 2 дугаар сарын 15-наас хичээл сургалтын ажлаа эхлүүлсэн.

Тус цогцолборын 219 дүгээр цэцэрлэг өчигдөр буюу 2016 оны 03 дугаар сарын 23-ны өдрөөс хүүхэд багачуудаа хүлээн авч үйл ажиллагаагаа эхлүүллээ. Тухайн цэцэрлэг нь 120 хүүхдийн хүчин чадалтай бөгөөд  өнөөдрийн байдлаар 5 бүлэгт 112 хүүхэд хүлээн авч,  26 багш ажилчидтайгаар ажиллаж байна.

Цэцэрлэгийн гал тогооны тоног төхөөрөмж, хатуу зөөлөн эдлэл авах, сургалтын таатай  орчинг  бүрдүүлэхэд БСШУЯ-наас 32.1 сая, Хан-Уул дүүргийн Засаг даргын тамгын газраас “Хүүхдэд ээлтэй Хан-Уул” хөтөлбөрийн хүрээнд 18.5  сая, хамтран ажилладаг байгууллага болон эцэг эхчүүдийн дэмжлэгээр 11.0 сая төгрөг, нийт 61.5 сая төгрөгийн хөрөнгө оруулалт хийгджээ.

10 дугаар хорооны Морингийн хэсэгт өмнө нь гэр цэцэрлэг ажиллаж 30 хүүхэд хүлээн авч байсан бол өнөөдөр тохилог сайхан цэцэрлэгтэй болж 120 хүүхэд хүлээн авах боломжтой болж байгаа юм.

Сургалтын орчныг бүрдүүлж, санхүүгийн дэмжлэг үзүүлэн хүүхэд багачуудынхаа сайн сайхны  төлөө хөрөнгө оруулалт хийсэн орон нутгийн болон төр захиргааны байгууллагууд, хүндэт эцэг эхчүүддээ тус цэцэрлэгийн хамт олноос баярласан талархал илэрхийллээ.

219 ДҮГЭЭР ЦЭЦЭРЛЭГИЙН ЗАХИРГАА

ЭЦЭГ ЭХИЙН ХАМТ ОЛОН

– See more at: http://zasag.mn/news/view/12670#sthash.iWidK36q.dpuf

Хан-Уул дүүргийн Нэгдсэн Эмнэлэг ажлын байрны дадлага сургалтыг 2016 оны 03 дугаар сарын 20-23-ны өдрүүдэд насанд хүрэгчдийн тасагт зохион байгуулав. Сургалтыг тус тасгийн сувилагч нарын мэдлэг, ур чадварыг дээшлүүлэх зорилгоор 3 удаа зохион байгуулсан байна. Сургалтаар хүүхдийн тарилгын талбайг зөв сонгох, уян зүүний тандалтын хуудсыг хөтлөх арга аргачлалыг сайжруулах арга хэмжээ авч ажилласан юм. Сургалтанд нийт 31 хүн хамрагджээ.

ХАН-УУЛ ДҮҮРГИЙН НЭГДСЭН ЭМНЭЛЭГ

Хан-Уулдүүрэг дэх Мэргэжлийн хяналтын хэлтсээс тус дүүргийн 13 дугаар хорооны иргэдэд “Эмийн зохистой хэрэглээг төлөвшүүлье” өдөрлөгийг Туул тосгоны эрүүл мэндийн төв, Шидэт рашаан эмийн сантай хамтран зохион байгууллаа.

Тус өдөрлөгөөр иргэдийн эмийг зохистой хэрэглэх мэдлэгийг дээшлүүлэх зорилгоор “Нийлмэл найрлагатай эмийн хэрэглээ, Антибиотик эмийн хэрэглээ” сэдвээр сургалт хийж, 7 төрлийн зөвлөмжийг 100 гаруй иргэнд тарааж, эмийн зохистой хэрэглээний талаарх 3 төрлийн цуврал хичээлийг дэлгэцээр үзүүлсэн юм.

Мөн тус тосгоны эмнэлгийн эмч нарын дунд “Эмийн жорыг хэн сайн бичих вэ” уралдаан зохион байгуулж, эмийн талаар иргэдийн сонирхсон  асуултуудад  хариулт өгөв.

ХАН-УУЛ ДҮҮРГИЙН МЭРГЭЖЛИЙН ХЯНАЛТЫН ХЭЛТЭС

Хан-Уул дүүргийн Усан спорт сургалтын төвд фитнессийн тоног төхөөрөмж нийлүүлэх  цахим тендерт “Дархан Өргөө констракшн” ХХК шалгарсан. Үүний дагуу 2016 оны 03 сарын 23-ны өдөр тус төвийн фитнессийн тоног төхөөрөмж хүрэлцэн ирж  иргэдэд цогц үйлчилгээг үзүүлж эхлээд байна. Ингэснээр тус төв нь фитнесс, саун, усан бассейн зэрэг төрлүүдээр үйлчилгээ явуулдаг боллоо.

ХУД-ийн Усан спорт сургалтын төв

Монгол улсын ерөнхийлөгчийн санаачилан гурав дахь жилдээ хэрэгжиж буй “Оюутан цэрэг” хөтөлбөрийн бүртгэл маргааш дуусна. Хөтөлбөрт бүртгүүлсэн оюутан залуусын хувьд  онолын хичээлээ ирэх дөрөвдүгээр сарын 1-ээс эхэлж, хагас, бүтэн сайн өдрүүдэд үзэж эхлэнэ.

Энэ жил “Оюутан–цэрэг” хөтөлбөрийн сургалтад 1000 оюутныг хамруулахаар шийдвэрлэсэн бөгөөд орон нутагт хэрэгжүүлэхээр болсоноороо онцлог болж байгаа юм. Ингэхдээ нийслэлд 750, Ховд аймагт 150, Дорнод аймагт 100 оюутан “Оюутан цэрэг” хөтөлбөрт хамрагдах юм байна.

Засгийн газрын 339, 340 дүгээр тогтоолын дагуу гамшгийн зарлан мэдээллийн дуут дохио дуугарч Хан-Уул дүүргийн Засаг даргын Тамгын газар,дэргэдэх хэлтэс албадын алба хаагчид бүрэн бүрэлдэхүүнээрээ гадаа талбайд жагслаа.

Хан-Уул дүүргийн Нэгдсэн эмнэлэг эмч, эмнэлгийн ажилчдадаа “Эрүүл мэндийн даатгалын хуулийн шинэчилсэн  найруулга” сэдвээр сургалтзохион байгууллаа.

Эмнэлэгийн ерөнхий эмч Д.Бааст тус сургалтыг нээж, НЭМГазрын бодлого хэрэгжилтийн мэргэжилтэн н.Отгонжаргал, Эрүүл мэндийн даатгалын газрын чанар хариуцсан эмчн.Мөнхцоодол нар хөтлөн явуулсан байна.

ХАН-УУЛ ДҮҮРГИЙН НЭГДСЭН ЭМНЭЛЭГ

Мозамбикийн эргээс олдсон онгоцны сэг нь хоёр жилийн өмнө Энэтхэгийн далайд алга болсон Малайзын “Boeing” онгоцных байх “өндөр магадлалтай” гэж Австралийн Дэд бүтцийн хөгжил, тээврийн сайд Даррен Честер мэдээлжээ. Австралийн Канберра хотын лабораторид Мозамбикийн эргээс олдсон хоёр сэгийг судалж байгаа аж.  “Зүүн Африкийн эрэг хавиас олдсон сэгүүд бараг л гарцаагүй “MH370”-ынх мөн гэдгийг дүн шинжилгээ нотолж байна” гэж Австралийн сайд хэлсэн байна. “MH370”-ыг хайсаар байгаа, бидэнд дахин 25 мянган хавтгай дөрвөлжин км эрлийн бүсийг самнах үлдсэн. Бид энэ зорилтоо бүрэн биелүүлж, нисэх онгоц олдоно гэдэгт итгэлтэй байгаа” гэж тэрбээр онцлон хэлжээ. Мозамбикээс авчирсан сэгүүдэд Австралийн Тээврийн аюулгүй байдлыг хангах товчооны мэргэжилтнүүд болон Малайзын шинжээчид, “Boeing” компанийн инженерүүд, мөн Австралийн үндэсний их сургуулийн эрдэмтэд дүн шинжилгээ хийж байгаа аж.

Хан-Уул дүүргийн 16 дугаар хороо дүүргийн Засаг Даргын 2016 оны 3 дугаар сарын 21 өдрийн шуурхайд өгсөн үүрэг даалгаврын дагуу шар усны үерээс урьдчилан сэргийлэх ажлын хүрээнд хорооны нутаг дэвсгэрт байгаа үерийн ус зайлуулах хоолойн хог хаягдал, шавар шавхайг цэвэрлэж бөглөрөлтийг онгойлгон тухайн орчныг цэвэрлэх ажлыг зохион байгууллаа. Тус ажлыг дүүргийн Тохижилт үйлчилгээний төвтэй хамтран хийсэн юм.

ХУД-ийн 16 дугаар хороо

Энэ өвөл цас их орсон, өндөр уулсын орчим болон гуу, жалга, суваг, шуудуунд маш их хэмжээний цас хуримтлагдсан байгаа учраас шар усны үер буух эрсдэлтэй байгааг мэргэжлийн байгууллагуудаас анхааруулж байна.

Он гарсаар Дархан-Уул аймгийн Дархан суманд энэ сарын 20, 21-нд таван айл, өрх үерийн усанд автаж, аймгийн Онцгой байдлын газар, “Дархан дулааны сүлжээ” ТӨХК, “Дархан ус суваг” ТӨХК-ийн албан хаагчид ажиллан үерийн усны голдирлыг өөрчлөн, 300 метрийн урттай далан суваг, шуудуу татаж, үерт автсан гэрийг өндөрлөг газарт нүүлгэн шилжүүлсэн байна.

Иймд, цас ихтэй уулын ам, бэл дагууд суурьшиж байгаа айл өрхүүд, аж ахуйн нэгж, байгууллага хашаа болон ойр орчмын цасаа зайлуулах, суваг, шуудууг сэргээж, үерийн усны голдрилыг өөрчлөх зэрэг шар усны аюулаас урьдчилан сэргийлэх арга хэмжээ авахыг анхааруулж байна.

Эцэг эх, асран хамгаалагчид бага насны хүүхдийг малд явуулахгүй байх, гол, мөрөн, нуурын мөсөн дээр тоглож болохгүй талаар сануулах, иргэд болон аж ахуйн нэгж, байгууллагууд томоохон нуур, голууд дээр цас, мөсний баяр, амралт зугаалгын арга хэмжээ зохион байгуулахгүй байх, тээврийн хэрэгслийн жолооч нар газрын гадаргын цасан бүрхүүл, голын цас, мөс хайлах, шар усны үерийн улмаас эвдэрч нурсан зам, гүүр болон гол, нуурын мөс цөмрөх магадлалтай газруудаар зорчиж болохгүйг Онцгой байдлын ерөнхий газраас сэрэмжлүүлж байна.

Английн хөлбөмбөгийн “Чэлси” баг 73 сая фунт стерлинг өгөхөөс нааш хаалгач Тибо Куртуагаа тавьж явуулах бодолгүй байгаа гэнэ. Бельгийн хаалгач залууг Испанийн “Реал” баг сонирхож байгаа билээ.

Мадрид хотын багийн удирдлага хэрэв “МЮ”-ын хаалгач Давид Де Хеаг авч чадахгүй бол Куртуаг өөрийн болгохыг сонирхож байгаа юм. 23 настай Куртуа Испанид эргэн очихоос татгалзахгүй аж. Тэрбээр 2011-2014 онуудад тэндхийн “Атлетико” багт түрээсээр тоглож байсан билээ

“Монгол циркийн хөгжлийн төв” төрийн бус байгууллага,  Монголын үндэсний цирктэй хамтран зохион байгуулдаг “Дэлхийн цирк Монголд 2016” олон улсын циркчдийн хамтарсан тоглолт гурав дахь удаагаа болох гэж байгаа тухай бид өмнө нь мэдээлж байсан билээ. Энэхүү тоглолтод АНУ, Франц, Англи, Испани, БНХАУ, ОХУ, Узбекстан, Казакстан, Бельги, Бразиль, Өмнөд Африк, Монгол улс зэрэг 15 орны, олон улсын нэр хүндтэй өндөр зэрэглэлийн тэмцээнүүдийн эхний байруудын шагналт 60 гаруй жүжигчин оролцох юм. Тэгвэл тоглолтонд оролцох амьтдыг авчирчээ. Тодруулбал Казакстан улсын Астанагийн циркийн жүжигчин, удам дамжсан амьтан сургагчид болох Өселбаева /Тунгалаг/, хүү Мухтар нар араатны хаан арслангуудтайгаа, Узбекстаны амьтан сургагч, жүжигчин Рамис Шагаев Чарли нэрт лам гөрөөс, Люси нэрт сармагчин болох тэдэнтэй хамт тоглох өхөөрдөм хөөрхөн пони буюу одой морьд, сармагчингууд, тоомсог морьд зэрэг амьтадын хамт өнөөдөр сэтгүүлчдэд мэдээлэл хийлээ. Энэ үеэр Узбекстаны амьтан сургагч, жүжигчин Рамис Шагаевтай товч ярилцсанаа хүргэе.

-Танд энэ өдрийн мэнд хүргэе. Таны хувьд энэ тоглолтонд ямар амьтадтай оролцож байгаа талаараа манай уншигчдад сонирхуулна уу?

-Баярлалаа. Би энэ тоглолтонд гурван сармагчин, хоёр одой морь, нэг лам гөрөөстэй оролцохоор ирсэн.

-Амьтад ямар үзүүлбэр үзүүлэх бол?

-Одой морьдын хувьд хэвтэх, босох, хоёр хөл дээрээ явах гэх мэтийн арай хөнгөн үзүүлбэр үзүүлнэ. Харин сармагчингуудын хувьд байгалиасаа маш их хөдөлгөөнтэй, аливаа зүйлийг хурдан сурдаг амьтан учраас ихэвчлэн жонглёрын төрлийн үзүүлбэр үзүүлэх юм.

-Амьтдаа хэдий хугацаанд сургав?

-Сармагчингуудыг ихэвчлэн 1-2 жилд сургаж байж манеженд гаргадаг. Энд нэг зүйл нэмж хэлэхэд Америк тэмээ гэгддэг Австралийн лам гөрөөс их аймхай, халирамхай амьтан учраас сургахад хэцүү гэж ярьсан юм.

Энэхүү тоглолт хэдийгээр гурав дахь жилдээ зохиогдож байгаа хэдий ч оролцож буй жүжигчдийн бүрэлдхүүний хувьд жил бүр 100 хувь шинэчлэгддэг гэдгийг зохион байгуулагчид онцолсон юм. Тухайлбал олон улсын тэмцээний 3 алт, нэг мөнгөн медальт Хятад улсын жүжигчний сул утсан дээрх тэнцвэр, 3 мөнгөн цомын эзэн гоцлол агаарын гимнастикийн төрөлд дэлхийд чансаагаараа нэгт бичигддэг Испанийн жүжигчний үзүүлбэр зэрэг олон гайхалтай үзүүлбэрүүд тоглогдох юм.

Эрчим хүчний сайд Д.Зоригт  салбарын хууль, эрхзүйн орчныг  сайжруулах чиглэлээр болон тус салбарт хийгдсэн бүтээн байгуулалтын ажлууд, салбарын  үндсэн үйл ажиллагааны дүн, санхүү, эдийн засгийн үзүүлэлтүүдийн талаар  мэдээлэл хийлээ.

Эрчим хүчний яам, Эрчим хүчний зохицуулах хороо хамтраад системийн зангилаа хэсэг болгон дээр зохицуулалтын болон бодлогын арга хэмжээ авч хэрэгжүүлсний үр дүнд 100 тэрбум төгрөгт хүрч байсан системийн алдагдлыг тэглэж, ашигтай ажиллаа гэж Эрчим хүчний сайд Д.Зоригт хэллээ.

Хууль эрх зүйн орчныг сайжруулах чиглэлээр Эрчим хүчний тухай хууль, Сэргээгдэх эрчим хүчний тухай хуульд нэмэлт, өөрчлөлт оруулж, Эрчим хүчний хэмнэлтийн тухай хуулийг батлуулсан байна. Мөн Төрөөс эрчим хүчний талаар баримтлах бодлогыг УИХ-ын тогтоолоор батлуулжээ.

“Дулааны цахилгаан станц-4”-ийн суурилагдсан хүчин чадлыг 123 МВт-аар нэмэгдүүлэх төслийг 2012-2015 онд, “Дулааны цахилгаан станц-3”-ын суурилагдсан хүчин чадлыг 50 МВт-аар нэмэгдүүлэх төслийг 2013-2015 онд хэрэгжүүлж ашиглалтад оруулснаар цахилгаан, дулааны эрчим хүчний өсөлтийг дотоодын үйлдвэрлэлээрээ бүрэн хааж ажиллах боломж бүрдсэн төдийгүй, өвлийн их ачаалалд “Дулааны цахилгаан станц-4” дээр нэг турбингенератор, нэг зуух бэлтгэлд байхаар горим төлөвлөлтийг хийгээд байна гэж сайд хэллээ.

Амгалан дулааны станцын барилга угсралтын ажлыг бүрэн дуусгаж, Улаанбаатар хотын  зүүн хэсгийн хэрэглэгчдийг дулааны эрчим хүчээр хангаж байна. Мөн дулааны шугам сүлжээг шинээр барих, өргөтгөх, шинэчлэх  ажлууд, Дорнод аймгийн Мардай-Чулуунхороот сумын 35 кВ-ын 160 км цахилгаан дамжуулах агаарын шугам, 35/10 кВ-ын дэд станц,мөн аймгийн Халх гол сумын 35 кВ-ын 127.1 км цахилгаан дамжуулах агаарын шугам, 35/15 кВ-ын дэд станцыг ашиглалтад оруулж, Хэнтий аймгийн төвийн 110/35/10 кВ-ын “Өндөрхаан” дэд станцын өргөтгөлийн ажлыг хийж гүйцэтгэжээ.

Хятадын хойд нутгийн Шаньси мужийн нүүрсний уурхайд осол болж, наад зах нь 19 хүн амь үрэгдсэн тухай тус улсын хэвлэлүүдэд мэдээлжээ. Уг уурхай Хятадын “Datong Coal Mine” группт харьяалагддаг гэж “Xinhua” агентлаг мэдээлэв. Хятадын “CCTV” телевизээр мэдээлснээр, осол болох үед уурхайд 129 хүн байснаас 110 нь амьд үлдсэн байна. Эрэн хайх, аврах ажиллагаа явуулж байгаа бөгөөд ослын шалтгаан тодорхойгүй хэвээр байна. Энэ сарын эхээр Хятадын зүүн хойд Жилинь мужийн нүүрсний уурхайд хий алдагдсанаас болж 12 уурхайчин амь үрэгдсэн юм. Хятадын нүүрсний уурхай дэлхийн хамгийн аюултай салбарын тоонд ордог. Тус улсын эрх баригчид аюултай ослын тоог бууруулахын тулд хэдэн арван уурхайг хаахаар төлөвлөж буйгаа мэдэгдээд байсан юм.