Монгол Улсын Ерөнхийлөгч Ухнаагийн Хүрэлсүх зарлиг гарган нэр бүхий эрхмүүдэд цэргийн дээд цол хүртээлээ.

Бригадын генерал цолыг:

• Батлан хамгаалах яамны Стратегийн бодлого, төлөвлөлтийн газрын дарга, хурандаа Эрхэмбаярын Гансүх,
• Шүүхийн шийдвэр гүйцэтгэх ерөнхий газрын дарга, хурандаа Адъяабазарын Намсаманд,
• Хил хамгаалах ерөнхий газрын Тэргүүн дэд дарга бөгөөд Хилийн цэргийн штабын дарга, хурандаа Цэндийн Мягмардорж,
• Цагдаагийн ерөнхий газрын Тэргүүн дэд дарга, цагдаагийн хурандаа Жанчивдоржийн Батбаатар,
• Дотоодын цэргийн штабын дарга, хурандаа Намсрайн Лхагвасайхан нарт хүртээлээ.

Монгол Улсын Их Хурлаас 2026 оны тавдугаар сарын 08-ний өдөр Эрхтэн, эд, эс шилжүүлэн суулгах тухай хуулийг баталлаа. Хуулийн төслийг Улсын Их Хурлын гишүүн Ж.Чинбүрэн, Ж.Алдаржавхлан, А.Аринзаяа, Н.Батсүмбэрэл нар санаачлан боловсруулж, 2025 оны гуравдугаар сарын 31-ний өдөр өргөн мэдүүлсэн юм.

Улсын Их Хурлын гурван чуулган дамнуулан, жил гаруйн хугацаанд хэлэлцсэн энэ хуулийн төслийг хэлэлцүүлэхэд Улсын Их Хурлын гишүүн Б.Баярбаатар, Ж.Баясгалан, Л.Энхнасан, Х.Болормаа, Д.Рэгдэл, У.Отгонбаяр, М.Сарнай, С.Эрдэнэбат нарын бүрэлдэхүүнтэй ажлын хэсэг ажилласан бөгөөд Монгол Улсын Гавьяат эмч, Төрийн шагналт П.Батчулуун тэргүүтэй эрхтэн эд эс шилжүүлэн суулгах үйл ажиллагаанд оролцогч эмнэлгийн мэргэжилтнүүд, төрийн болон төрийн бус байгууллагуудын албан хаагчдаас бүрдсэн ажлын хэсэгт дэмжлэг үзүүлэх бүрэлдэхүүн мөнхүү ажиллажээ.

Эрхтэн, эд, эс шилжүүлэн суулгах тухай хуульд энэ үйл ажиллагаанд оролцох төрийн болон эрүүл мэндийн байгууллагын удирдлага, бүтэц, зохион байгуулалт, нийтлэг чиг үүргийг нарийвчлан зааж, хуулийн үйлчлэх хүрээг тодорхойлсон бөгөөд нэгдсэн удирдлага, мэргэжил, арга зүйгээр хангах асуудал хариуцсан эрүүл мэндийн байгууллагын чиг үүргийг тогтоосон байна. Мөн рициепент болон амьд донорт тавигдах шаардлага, тэдгээрийн эрх, үүрэг, амьгүй донороос эрхтэн, эд, эс шилжүүлэн суулгах үйл ажиллагаа, иргэн донор болох хүсэлтээ өөрийн биеэр, эсхүл цахимаар гарган баталгаажуулах, мөн уг хүсэлтээсээ татгалзаж болох тухай, амьгүй донорын гэр бүлд тухайн донор эрүүл мэндийн даатгал төлж байсан эсэхээс үл хамааран хөдөлмөрийн хөлсний доод хэмжээг 10 дахин нэмэгдүүлсэнтэй тэнцэх хэмжээний оршуулгын тэтгэмж Эрүүл мэндийг дэмжих сангаас олгох тухай зэрэг өргөн хүрээний зохицуулалтыг тусгажээ.

Түүнчлэн эрхтэн, эд, эс шилжүүлэн суулгуулах шаардлагатай иргэдийг эрхтэн, эд, эс, цусны бүлгээр ангилан, эмнэл зүйн үнэлгээ, шалгуур үзүүлэлтээр эрэмбэлэн бүртгэсэн Үндэсний хүлээх жагсаалт, эмчилгээ оношилгоо, судалгаа, урьдчилан сэргийлэх, хяналт хийх зорилгоор авсан эд, эсийг хадгалах тусгай зориулалтын сан буюу био банк ажиллахаар хуульчилсан байна.

Энэхүү хууль нь эрэлт хэрэгцээ нь улам бүр нэмэгдэж буй эрхтэн, эд, эс, шилжүүлэн суулгах үйл ажиллагааны эрх зүйн орчныг бүрдүүлж, нэгдсэн удирдлага, мэргэжил, арга зүйгээр хангах, энэ төрлийн эмчилгээг иргэд эх орондоо хийлгэх боломжийг нэмэгдүүлэх, амьд донорын хүрээллийг тэлэх, салбарын хүний нөөц, мэргэшлийг тогтвортой хөгжүүлэх зэрэг олон талын ач холбогдолтой юм. Мөн эсийн эмчилгээний шинэ технологи, хүйн цус, эд, эсийн банк байгуулж, эмчлэгдэх боломжгүй өвчин, эмгэгийг эмчлэх шинэ боломжийг нээх, амьд донорыг хамгаалах, хүний эрхийг хангах, олон улсын жишгийн дагуу OPT OUT/OPT IN холимог тогтолцоог нэвтрүүлэх, энэ төрлийн үйлчилгээний цар хүрээ өргөжих боломжтой болно. Донор, реципиенттэй холбоотой ёс зүйн асуудлыг хуульчлан хамгаалж, тээгч эх, үр шилжүүлэн суулгах харилцааг илүү тодорхой, ойлгомжтой болгож буй юм.

Энэ хуультай хамт Эрүүл мэндийн тухай хуульд нэмэлт оруулах тухай, Засгийн газрын тусгай сангийн тухай хуульд өөрчлөлт оруулах тухай болон Хууль хүчингүй болсонд тооцох тухай хуулиуд, “Хууль баталсантай холбогдуулан авах арга хэмжээний тухай” Улсын Их Хурлын тогтоол батлагдсан байна.

Хуулийг “Төрийн мэдээлэл” эмхэтгэлд нийтлэгдсэнээс 10 хоногийн дараагаас буюу ердийн журмаар дагаж мөрдөнө гэж Улсын Их Хурлын Хэвлэл мэдээлэл, олон нийттэй харилцах газраас мэдээлэв.

Монгол Улсын Ерөнхийлөгч Ухнаагийн Хүрэлсүх  Тулгар төрийн 2235, Их Монгол Улс байгуулагдсаны 820, Үндэсний эрх чөлөө, тусгаар тогтнолоо сэргээн мандуулсны 115, Ардын хувьсгалын 105, Ардчилсан хувьсгалын 36 жилийн ойг тохиолдуулан нэр бүхий эрхмүүдэд төрийн дээд цол, одон, медаль хүртээлээ.

Хөдөлмөрийн баатар цолыг:  

• Нийтийн биеийн тамирыг хөгжүүлэх, олимпын хөдөлгөөн өрнүүлэх, олимпизмын үзэл санааг түгээн дэлгэрүүлэх төр, засгийн бодлого, шийдвэрийг хэрэгжүүлэн, баг тамирчдаа удирдан зохион байгуулж, эх орныхоо нэр хүндийг олон улсын тавцанд өргөн, монгол хүний эрүүл мэндийн боловсрол, амьдралын чанарыг дээшлүүлэхэд хичээл зүтгэлээ зориулсан Олон улсын олимпын хорооны хүндэт гишүүн, Монголын олимпын түүх судлалын нийгэмлэгийн ерөнхийлөгч, Соёлын гавьяат зүтгэлтэн Шагдаржавын Магван,
• Үндэсний хэмжээний групп үүсгэн байгуулж, олон мянган хүнийг ажлын байраар ханган, газрын тос, харилцаа холбоо, хүнс, хөдөө аж ахуй зэрэг салбарт үндэсний үйлдвэрлэл, үйлчилгээг хөгжүүлэн, дэвшилтэт техник, технологи, инновац нэвтрүүлж, малчид, фермерүүдийн тогтвортой амьжиргаа, орлогыг нэмэгдүүлэн, экспортын чиг баримжаатай үйлдвэрлэл эрхэлж, эдийн засаг, нийгмийн хөгжилд жинтэй хувь нэмэр оруулсан “Шунхлай холдинг” компанийн ерөнхийлөгч, “АПУ” ХК-ийн ТУЗ-ийн дарга Пүрэвийн Батсайхан нарт хүртээж, баатрын “Алтан соёмбо” тэмдэг, Сүхбаатарын одонгоор шагналаа.
• 

• Ардын жүжигчин цолоор:

  • Мэргэжлийн эстрадын дуучин, Гавьяат жүжигчин Төмөрийн Ариунаа,
  • Зууны манлай эстрадын дуучин, Гавьяат жүжигчин Батмөнхийн Сарантуяа,
    

  • 

  

  • Шинжлэх ухааны гавьяат зүтгэлтэн цолоор

    • ШУА-ийн Хими, химийн технологийн хүрээлэнгийн эрдэм шинжилгээний тэргүүлэх ажилтан, Төрийн шагналт, академич Түдэвийн Ган-Эрдэнэ,

    Гавьяат багш цолоор:

    • “Сити” их сургуулийг үүсгэн байгуулагч, доктор, профессор Цэмбэлийн Байгалмаа,

    Аж үйлдвэрийн гавьяат ажилтан цолоор:

    • “Эрдэнэт хивс” ХХК-ийн механик инженер Чимэдийн Пүрэвсүрэн,
    • “Эм Си Эс интернэйшнл” ХХК-ийн гүйцэтгэх захирал Чүлтэмийн Даваахүү,

    Хүний гавьяат эмч цолоор:

    • АШУҮИС-ийн зөвлөх эмч Хасагийн Оюунцэцэг,
    • Улсын Гуравдугаар төв эмнэлгийн Ерөнхий мэс заслын тасгийн эрхлэгч, Төрийн соёрхолт Цогтын Лочин,

    Гавьяат эдийн засагч цолоор:

    • “Дефакто” институтын захирал Дамбадаржаагийн Жаргалсайхан,
    • “Алтан жолоо групп” ХХК-ийн санхүү эрхэлсэн захирал Чулуунхүүгийн Гүнсэн,

    Гавьяат дасгалжуулагч цолоор:

    • “Ховд” бөхийн дэвжээний дасгалжуулагч, Улсын заан Цэдэвийн Мягмарсүрэн,

    Гавьяат тамирчин цолоор:

    • Хилийн цэргийн 0311 дугаар ангийн сургалт хариуцсан ахлах офицер, Улсын аварга Сүхбаатарын Мөнхбат,
    • Шатрын үндэсний шигшээ багийн тамирчин, Их мастер Сумъяагийн Билгүүн,

    Гавьяат барилгачин цолоор:

    • “Хурд групп” ХХК-ийн барилгын талбайн инженер Батсүрэнгийн Батболд,

    Байгаль орчны гавьяат ажилтан цолоор:

    • “Мон газар консалтинг” ХХК-ийн захирал Юнгэрийн Дэлгэрмаа,

    Гавьяат малчин цолоор:

    • Ховд аймгийн Дөргөн сумын малчин Намсрайн Пүрэвжав,

    Урлагийн гавьяат зүтгэлтэн цолоор:

    • СУИС-ийн Дүрслэх урлагийн академийн ахмад багш, доктор, профессор Дамбийн Энхдаваа,

    Гавьяат тээвэрчин цолоор:

    • Хархорум хотын захирагч Лувсангийн Халтар,

    Гавьяат жүжигчин цолоор:

    • Чөлөөт уран бүтээлч, дуучин Ханджавын Оюунбилэг,
    • “Цэбо фильм” кино продакшны үүсгэн байгуулагч, жүжигчин Цэгмидийн Цэрэнболд,

    Үйлчилгээний гавьяат ажилтан цолоор:

    • Ус сувгийн удирдах газрын дарга Цогтсайханы Төрхүү,

    Сүхбаатарын одонгоор:

    • Үндэсний батлан хамгаалах их сургуулийн Эрдмийн сургуулийн профессор, ахмад багш, Шинжлэх ухааны гавьяат зүтгэлтэн, хошууч генерал Балганы Эрдэнэбат,

    Хөдөлмөрийн гавьяаны улаан тугийн одонгоор:

    • Улсын гуравдугаар төв эмнэлгийн Уушги судлалын их эмч, тасгийн эрхлэгч Доржжүгдэрийн Жавзан-Орлом,

    Цэргийн гавьяаны улаан тугийн одонгоор:

    • Дотоод хэргийн их сургуулийн Шүүхийн шийдвэр гүйцэтгэх албаны сургуулийн захирал, хурандаа Доржийн Чинзориг,

    Алтан гадас одонгоор:

    • Гадаад харилцааны яамны Гэрээ, эрх зүйн газрын зөвлөх Энхболдын Батзориг,
    • Улсын дуурь, бүжгийн эрдмийн театрын гоцлол дуучин Бумангийн Уранзолбоо,
    • Монголын кранистуудын холбооны гишүүн, кранист Жунайхүүгийн Мэнджаргал,

    Хөдөлмөрийн хүндэт медалиар:

    • Монголын дугуй холбооны гүйцэтгэх захирал, Олон улсын хэмжээний их мастер Туулхангайн Төгөлдөр,
    • “Монголын газрын тос боловсруулах үйлдвэр” Төрийн өмчит компанийн технологийн хэлтсийн дарга Бямбаагийн Мөнх-Эрдэнэ нарыг шагналаа.
    • Ерөнхийлөгч У.Хүрэлсүх төрийн дээд цол, одон, медаль хүртсэн эрхмүүдэд болон гэр бүл, хамт олонд нь сайн сайхныг хүсэн ерөөлөө. Мөн удахгүй болох Үндэсний их баяр наадмын мэндийг өргөн дэвшүүллээ.

Монгол Улсын Ерөнхийлөгч Ухнаагийн Хүрэлсүх  Тулгар төрийн 2235, Их Монгол Улс байгуулагдсаны 820, Үндэсний эрх чөлөө, тусгаар тогтнолоо сэргээн мандуулсны 115, Ардын хувьсгалын 105, Ардчилсан хувьсгалын 36 жилийн ойг тохиолдуулан нэр бүхий эрхмүүдэд төрийн дээд цол, одон, медаль хүртээлээ.

Хөдөлмөрийн баатар цолыг:

• Уул уурхай, геологи, барилга угсралт, барилгын материалын үйлдвэрлэл, худалдааны салбарт байгальд ээлтэй, олон улсын дэвшилтэт технологи нэвтрүүлэн, уул уурхайн нөхөн сэргээлтийг шинэ шатанд гаргаж, хариуцлагатай уул уурхайг хэвшүүлэхэд манлайлан, олон зуун тогтвортой ажлын байр шинээр бий болгож, үндэсний үйлдвэрлэл, үйлчилгээг бүтээн цогцлоож, нийгэм, эдийн засагт үнэтэй хувь нэмэр оруулсан “Монполимет” группын үүсгэн байгуулагч, төр, нийгмийн зүтгэлтэн, Аж үйлдвэрийн гавьяат ажилтан Цэдэнгийн Гарамжав,
• Хүнсний үйлдвэрлэл, худалдаа, барилга бүтээн байгуулалтын салбарт шилдэг технологи нэвтрүүлж, олон улсад өрсөлдөхүйц эрүүл хүнсний бүтээгдэхүүнээр хэрэглэгчдийг ханган, олон мянган ажлын байр шинээр бий болгож, импортыг орлох, байгальд ээлтэй барилгын материал үйлдвэрлэн, шинэ төсөл, хөтөлбөрүүдийг хөрөнгө оруулалтаар дэмжиж, нийгмийн хариуцлагын манлайлал үзүүлж, үндэсний үйлдвэрлэлийг бэхжүүлэхэд жинтэй хувь нэмэр оруулсан “Тэсо групп”-ын үүсгэн байгуулагч, ТУЗ-ийн дарга, Аж үйлдвэрийн гавьяат ажилтан Одонгийн Дамжин нарт хүртээж, баатрын “Алтан соёмбо” тэмдэг, Сүхбаатарын одонгоор шагналаа.
• 

Ардын эмч цолоор:

• Эх, хүүхдийн эрүүл мэндийн үндэсний төвийн мэс заслын зөвлөх эмч, Төрийн шагналт, Хүний гавьяат эмч Дашжамцын Авирмэд
• 

• Ардын жүжигчин цолоор:

  • “ИКС-ТҮЦ” продакшны жүжигчин, найруулагч, Гавьяат жүжигчин Ишдоржийн Одончимэг,

  Шинжлэх ухааны гавьяат зүтгэлтэн цолоор:

  • ШУА-ийн Физик, технологийн хүрээлэнгийн эрдэм шинжилгээний ажилтан, Физик, математикийн ухааны доктор, профессор Шагдарын Чадраабал,
  • Уламжлалт анагаах ухаан, технологийн хүрээлэнгийн захирал, академич, Анагаахын шинжлэх ухааны доктор, профессор Чимэдцэрэнгийн Чимэдрагчаа,

  Аж үйлдвэрийн гавьяат ажилтан цолоор:

  • Геологи, уул уурхайн салбарын ахмад ажилтан, Физикийн шинжлэх ухааны доктор, профессор Амиржаны Каривай,

  Гавьяат эдийн засагч цолоор:

  • Хөдөлмөр, нийгмийн хамгааллын салбарын ахмад ажилтан Лувсандоржийн Цэцэгсайхан,
  • Засгийн газрын Хэрэг эрхлэх газрын Санхүү, хөрөнгө оруулалт, үйлчилгээний хэлтсийн дарга Жигжидсүрэнгийн Бямбасүрэн,

  Гавьяат багш цолоор:

  • Монголын бурхан шашинтны төв Гандантэгчинлэн хийдийн Дашчойнпэл дацангийн монгол бичгийн багш Чамбаабаатарын Буянхишиг,

  Гавьяат жүжигчин цолоор:

  • Улсын драмын эрдмийн театрын жүжигчин Жамсранжавын Пүрэвдорж,
  • Чөлөөт уран бүтээлч, дуучин Даваагийн Бурмаа,
  • Дуурь, бүжгийн эрдмийн театрын гоцлол дуучин Өлзийбүрэнгийн Цэрэнчунт,

  Хүний гавьяат эмч цолоор:

  • Эх барих эмэгтэйчүүдийн их эмч, клиникийн профессор Төмөрийн Баатарцогт,
  • Улсын Хоёрдугаар төв эмнэлгийн Дурангийн төвийн зөвлөх эмч, Анагаах ухааны доктор, дэд профессор Төмөрийн Цэндсүрэн,

  Хөдөө аж ахуйн гавьяат ажилтан цолоор:

  • “Орхон тариа” ХХК-ийн захирал Ламзавын Отгонбат,

  Гавьяат тээвэрчин цолоор:

  • “Шандас транс” ХХК-ийн жолооч Ишбалдангийн Зоригтбаатар,

  Гавьяат уурхайчин цолоор:

  • “Бор-Өндөр” уулын баяжуулах үйлдвэрийн Хөдөлмөрийн аюулгүй байдал, эрүүл ахуйн хэлтсийн дарга Доржпүрэвийн Сүхбаатар,

  Гавьяат тамирчин цолоор:

  • Монголын волейболын холбооны ахмад тамирчин, “Алтайн барс” клубын дасгалжуулагч, Олон улсын хэмжээний мастер Баярбаатарын Ганхуяг,
  • Сагсан бөмбөгийн “Хасын хүлэгүүд” багийн тамирчин, Олон улсын хэмжээний мастер Отгонбаатарын Сэргэлэн,

  Үйлчилгээний гавьяат ажилтан цолоор:

  • Мастер үсчин, дэлхийн шүүгч, Үндэсний эрэгтэй шигшээ багийн дасгалжуулагч Догсомын Одхүү,

  Сүхбаатарын одонгоор:

  • Хилийн цэргийн 0130 дугаар ангийн ахмад хилчин, бэлтгэл хошууч Пэрэнлэйн Бөхчулуун,

  Хөдөлмөрийн гавьяаны улаан тугийн одонгоор: 

  • “Багануур” ХК-ийн технологийн автомашины ашиглалтын хэсгийн оператор жолооч Ойдовын Мөнхбат,
  • Дархан-Уул аймгийн Биеийн тамир, спортын газрын самбо, жудо бөхийн дасгалжуулагч Данзандагвын Балжинням,

  Алтан гадас одонгоор:

  • Засгийн газрын Хэрэг эрхлэх газрын Олон нийттэй харилцах 11-11 төвийн менежер Жамсранбаатарын Сайнбайгалмаа
  • МУИС-ийн Шинжлэх ухааны сургуулийн Түүхийн тэнхимийн доктор, дэд профессор Энхбаярын Жигмэддорж,
  • МҮОНРТ-ийн ерөнхий захирал Ганхуягийн Гэрэл,

  Хөдөлмөрийн хүндэт медалиар:

  • “Монголын ипотекийн корпорац ОССК” ХХК-ийн Бизнес, хөгжил хариуцсан дэд захирал Цэвээнрэгзэнгийн Батбаяр,
  • Монголбанкны Эрсдлийн удирдлага, дотоод аудитын газрын ахлах хянан шалгагч Сурмаажавын Ганбаяр нарыг шагналаа.
  • 
  • Ерөнхийлөгч У.Хүрэлсүх төрийн дээд цол, одон, медаль хүртсэн эрхмүүдэд болон гэр бүл, хамт олонд нь сайн сайхныг хүсэн ерөөлөө. Мөн удахгүй болох Үндэсний их баяр наадмын мэндийг өргөн дэвшүүллээ

Монгол Улсын Ерөнхийлөгч Ухнаагийн Хүрэлсүхийн урилгаар Бүгд Найрамдах Солонгос Улсын Ерөнхийлөгч И Жэ Мён, гэргий Ким Хе Гён-ы хамт 2026 оны 07 дугаар сарын 09-11-ний өдрүүдэд Монгол Улсад төрийн айлчлал хийнэ.

Энэ айлчлал БНСУ-ын төрийн тэргүүн 2011 онд манай улсад айлчилснаас хойш 15 жилийн дараа болох юм.

Айлчлалын хүрээнд Ерөнхийлөгч У.Хүрэлсүх, И Жэ Мён нар албан ёсны хэлэлцээ хийж, “Стратегийн түншлэл”-ийн харилцааг өргөжүүлэн бэхжүүлэх, хамтын ажиллагааг эдийн засгийн агуулгаар баяжуулах болон олон улс, бүс нутгийн тавцан дахь хамтын ажиллагаа зэрэг чиглэлээр санал солилцоно.

Айлчлалын үеэр талууд харилцаа, хамтын ажиллагааг өргөжүүлэн хөгжүүлэхтэй холбоотой Засгийн газар болон байгууллага хоорондын баримт бичгүүдэд гарын үсэг зурахаар төлөвлөж байна.

БНСУ-ын Ерөнхийлөгч И Жэ Мён, гэргий Ким Хе Гён нар Үндэсний их баяр наадмын нээлтийн ёслолд хүндэт зочдын хувиар оролцоно.

Хоёр улс:

• 2006 онд “Сайн хөршийн, найрамдал, хамтын ажиллагааны түншлэл”,
• 2011 онд “Иж бүрэн түншлэл”,
• 2021 онд “Стратегийн түншлэл”-ийн харилцаа тогтоосон.

Монгол Улс, Бүгд Найрамдах Солонгос Улс 1990 оны 03 дугаар сарын 26-ны өдөр дипломат харилцаа тогтоосон. БНСУ 1990 онд Улаанбаатар хотноо, манай улс 1991 онд Сөүл хотноо Элчин сайдын яамаа нээжээ.

Малчид, иргэд, тээвэрчдийн анхааралд:

Өнөөдөр нутгийн баруун өмнөд хэсгээр халуун үргэлжилж, нутгийн зүүн хэсгээр бороо, дуу цахилгаантай аадар бороо орох тул болзошгүй мөндөр,нөөлөг салхи, үер, усны аюулаас сэрэмжтэй байхыг анхааруулж байна.

2026 оны 07-р сарын 06-ны 08 цагаас 20 цаг хүртэлх

цаг агаарын урьдчилсан мэдээ:

Зүүн аймгуудын нутгаар үүлэрхэг, бусад нутгаар солигдмол үүлтэй. Баруун болон төвийн аймгуудын нутгийн зарим газар, зүүн аймгуудын ихэнх нутгаар бороо, дуу цахилгаантай аадар бороо орно. Салхи нутгийн зүүн хэсгээр зүүн хойноос, бусад нутгаар баруунаас секундэд 5-10 метр, нутгийн зарим газраар борооны өмнө түр зуур ширүүснэ. Агаарын температур Хэнтийн уулархаг нутаг, Тэрэлж, Онон, Улз, Халх голын хөндий, Дорнод, Дарьгангын тал нутгаар +20…+25 градус, Алтайн өвөр говиор +35…+40 градус, Их нууруудын хотгор, говийн бүс нутгийн баруун хэсэг, Орхон, Сэлэнгэ голын сав газраар +29…+34 градус, бусад нутгаар +24…+29 градус дулаан байна.

УЛААНБААТАР ХОТ ОРЧМООР: Үүлшинэ. Бороо орохгүй. Салхи зүүн хойноос секундэд 4-9 метр. +25…+27 градус дулаан байна.

БАГАНУУР ОРЧМООР: Үүлшинэ. Дуу цахилгаантай бага зэргийн аадар бороо орно. Салхи зүүн хойноос секундэд 5-10 метр. +24…+26 градус дулаан байна.

ТЭРЭЛЖ ОРЧМООР: Үүлшинэ. Дуу цахилгаантай бага зэргийн аадар бороо орно. Салхи зүүн хойноос секундэд 2-7 метр. +22…+24 градус дулаан байна.

Нийслэл Улаанбаатар хотын иргэдийн өдөр “Хүрээ цам-Даншиг наадам 2026” шашин, соёлын наадмын хүчит бөхийн барилдаанд түрүүлж, үзүүрлэсэн болон шөвгөрсөн бөхчүүдэд бай шагнал олгох ёслол Хүй долоон худагт боллоо.
Их шөвөгт улсын заан Б.Батмөнх, улсын заан Д.Анар, улсын начин Б.Түмэндэмбэрэл, улсын начин Б.Түвшинтөгс нар шалгарч, Монгол Улсын заан Д.Анар түрүүлж, Монгол Улсын начин Б.Түвшинтөгс үзүүрлэв.

УЛСЫН ИХ ХУРЛЫН 2026 ОНЫ ХАВРЫН ЭЭЛЖИТ ЧУУЛГАНЫ 2026 ОНЫ

06 ДУГААР САРЫН 29-НӨӨС 07 ДУГААР САРЫН 03-НЫ ӨДРИЙН

ХУРАЛДААНААР ХЭЛЭЛЦЭХ АСУУДЛЫН ТОВ, ДАРААЛАЛ

МОНГОЛ УЛСЫН ИХ ХУРЛЫН

ТАМГЫН ГАЗАР