Япон Улсад суралцах гадаад оюутнуудад оршин суух зөвшөөрөл олгох шалгуурыг өндөрсгөнө

2020 оны 02-р сарын 13 өдөр, 11 цаг 08 минутад нийтэлсэн (Сэтгэгдэл үлдээх )
gadaad

Япон Улсад суралцаж буй гадаад оюутнууд зөвшөөрөгдсөн цагийг хэтрүүлэн ажил хийх явдал нэмэгдэж байгаатай холбогдуулан гадаад оюутнуудад оршин суух зөвшөөрөл олгох шалгуурыг өндөрсгөхөөр болсон байна.

Оюутны эзэмшиж буй боловсролын диплом, мөнгөн хадгаламжийн дүн зэргийг нарийвчлан шалгах аж. Японд оршин сууж амьдрах зардлыг хариуцах эцэг эх ойрын хүмүүсийн хадгаламжийн хэмжээ, түүнийг нотлох баримт бичиг, хэрэв хадгаламж нь садан төрлийн бус хүний нэр дээр байвал тухайн оюутантай ямар харьцаатайг нотлох баримт бичиг, тодорхойлолт зайлшгүй шаардлагатай болох юм.

Иймд, Япон Улсад суралцаж буй, суралцахаар төлөвлөж буй оюутнууд зөвшөөрсөн хэмжээнээс илүү цагаар, хууль бусаар хөдөлмөр эрхлэхгүй байх, виз, оршин суух зөвшөөрөл мэдүүлэхдээ баримт бичгийн бүрдүүлэлтэд онцгойлон анхаарах, үнэн зөв мэдүүлэх шаардлагатайг анхааруулж байна.

Танд таалагдаж байвал LIKE хийгээрэй. Баярлалаа

АНХААРУУЛГА: Уншигчдын бичсэн сэтгэгдэлд ОНЦЛОХ.МН хариуцлага хүлээхгүй болно. ОНЦЛОХ.МН сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Сэтгэгдэл үлдээх