Оюутнуудын илтгэх ур чадварын тэмцээн болно

Оюутнуудын илтгэх ур чадварыг дээшлүүлэх, өөртөө итгэх итгэлийг нэмэгдүүлж логик сэтгэлгээ, гарц гаргалгааг сайжруулах зорилгоор Отгонтэнгэр Их Сургууль, Монголын Залуучуудын Холбоо хамтран “Гэгээлэг бүхний тэргүүнд хамтдаа алхацгаая” сэдэвт Оюутны илтгэх ур чадварын тэмцээнийг энэ сарын 19-ий өдөр МЗХ-ны “Залуус танхим”-д зохион байгуулах гэж байна.

Тус тэмцээнд их, дээд сургуулиудын I-IV ангийн оюутнууд хамрагдах боломжтой ба “Монгол оюутан Монголын ирээдүй”, “Гэгээ үргэлж зөв рүү хөтөлдөг”, “Төгсөх хавар”, “Монгол брэнд” гэсэн сэдвүүдээр өрсөлдөх аж.