Цэцэрлэг, сургуулиудыг шинэ жилийн баярын нэгдсэн арга хэмжээ зохион байгуулахгүй байхыг зөвлөжээ

Боловсролын Ерөнхий Газраас /БЕГ/ шинэ жилтэй холбогдуулан цэцэрлэг, сургуулийн удирдлагуудад зөвлөмж хүргүүлжээ.

Зөвлөмжид:

1. Шинэ жилийн баяр, багт наадам, урлагийн наадам зэргээр төвлөрсөн арга хэмжээ зохион байгуулахгүй байх
2. Шинэ жилийн баяр тэмдэглэх нэрийдлээр суралцагч, эцэг эх, асран хамгаалагч нарт санхүүгийн дарамт үүсгэхээс сэргийлэх
3. Анги чимэглэх, суралцагчдад бэлэг бэлдэх гэх мэтээр хавтгайруулж албадаж төлбөр хураамж шаардахгүй байх
4. Жигд хувцас зэрэг материаллаг зүйлд ач холбогдол өгөхөөс илүүтэй шинээр сурсан мэдсэнээ тайлагнахад анхаарах
5. Ялгаварлан гадуурхалтаас сэргийлж, хүүхэд бүрийн тэгш эрхийг хангаж, ялгаатай байдал үүсэхээс сэргийлэх шаардлагатайг дурдсан байна.

Эх сурвалж: БЕГ