Өнөөдөр харагчин тахиа өдөр

-Аргын тооллын 6 сарын 15. Пүрэв (Бархасвад) гараг /2017/
-Билгийн тооллын 21, харагчин тахиа, чөдөр-23 од, шороо суудал, 7 улаан мэнгэ, үл тохирохын барилдлагатай өдөр. Лус тахихад сайн.
-Өдрийн нар ургах/шингэх цаг: 04:52-20:52.
-Өдрийн сайн цаг: Хулгана(23:40-01:40), бар(03:40-05:40), туулай(05:40-07:40), морь(11:40-13:40), хонь(13:40-15:40), тахиа(17:40-19:40) болой.
-Хол газар явагсад баруун урд зүгт мөрөө гаргавал зохистой.
-Үс бүү засуул өвчин ирнэ муу.
-Могой, тахиа, бар жилтэн аливаа үйлийг хийхэд эерэг сайн. Харин туулай, үхэр, луу, хонь, нохой жилтэн сөрөг муу.
-Замд явах, тариалан тарих, сургуульд сурах, бичиг зурхай, ном хэвлэх, шүтээн босгох, номын хурал байгуулах, мод тарих, хөрөнгө исгэх, төрөх, буяны үйл, мэргэ төлгө тавих, эм найруулах, хулгай, дээрэм дарах, дайсныг номхтгох үйлд сайн. Бэрийн үйл, багш шавь барилдах, үзмэр үзэх, мал агтлах, нууц зөвлөгөөн, хурим найр хийх, гуйлга гуйхад муу. Модон гараг дэлгэрдэгч сор бүү гарга.

Зурхайч Д.Цогтбаатар