Өнөөдөр улаан нохой өдөр

-Аргын тооллын 10 сарын 26. Пүрэв (Бархасвад) гараг /2017/
-Билгийн тооллын шинийн 6, улаан нохой, суулга-19 од, мод суудал, 9 улаан мэнгэ, үл зохилдохын барилдлагатай өдөр.
-Өдрийн нар ургах/шингэх цаг: 07:27-17:44.
-Өдрийн сайн цаг: Бар(03:40-05:40), луу(07:40-09:40), могой(09:40-11:40), бич(15:40-17:40), тахиа(17:40-19:40), гахай(21:40-23:40) болой.
-Хол газар явагсад хойд зүгт мөрөө гаргавал зохистой.
– Үс засуулахад зүс, царай сайжрах сайн. Гэвч луу, үхэр, хонь, нохой, бич, тахиа жилтнээ цээртэй.
-Морь, бар, туулай жилтэн аливаа үйлийг хийхэд эерэг сайн. Харин луу, үхэр, хонь, нохой жилтэн сөрөг муу.
-Насны, буян хишгийн даллага авах, худалдаа хийх, тариалан тэргүүтэн дэлгэрүүлэх үйл, сургуульд сурах, бичиг зурхай, эрдэм сурах, ном хэвлэх, замд явах, сахил хүртэх, шүтээн босгох, номын хурал байгуулах, эм найруулах, мод тарих, хөрөнгө исгэх, буяны үйл, хөлсний ажилчин авах, урлах үйлд суралцах, чуулган хийх, ном заалгах, бурханд залбирах, ан гөрөө хийх, андгай тангарагаас няцах, дайсныг номхруулах үйлд сайн. Бэрийн үйл, нүүдэл, хэрүүл хийх, цэрэгт мордох, нохой тэжээх, эд, мал гадагш өгөхөд муу. Модон гараг дэлгэрдэгч сор бүү гарга.

Зурхайч Д.Цогтбаатар