Хөл хорионы хугацаанд гэртээ хичээлээ үзэж байгаа хүүхэд, багачуудтайгаа аав, ээжүүд хэрхэн зөв харилцан, суралцах үйл явцыг тасралтгүй дэмжин оролцох вэ?
Энэ асуулт цэцэрлэгийн болон ерөнхий боловсролын сургуулийн насны хүүхэдтэй эцэг, эх, ах, эгч, эмээ, өвөө бүрт тулгамдаж буй байх.
Тиймээс Боловсролын Реформ Хөдөлгөөнөөс гаргасан эцэг, эхчүүдэд зориулсан дараах зөвлөмжийг хүргэж байна.
Юуны өмнө хүүхэдтэйгээ хамт цахим хичээл үзэж, даалгавар хийн “хүүхэд-багш”-ийн хооронд гүүр болж байгаа танд амжилт хүсье.
Энэ цаг хугацаа хүүхдээ хэрхэн суралцаж, хөгжиж буйг илүү таньж мэдэх, нөгөө талаас багшийн ажлыг ойлгоход дөхөм болж байгаа байх. Хүүхэдтэйгээ хамт хичээл үзэж, даалгавар хийхэд дараах зөвлөмжийг хүргэж байна.
ЗӨВЛӨМЖ 1: ДААЛГАВРАА САЙН ОЙЛГОХ
Аливаа ажлын үр дүн нь зорилгоо сайн ойлгосон эсэхээс шалтгаална.
Иймд тухайн даалгаврын зорилго болох энэ хичээлээр “юуг мэддэг, чаддаг” болохыг хүүхдээр өөрөөр нь ойлгуулах нь чухал. Хүүхэд даалгавраа сайн ойлгохгүй байгаа тохиолдолд тэдний сайн мэддэг эсвэл амьдралд ойр байдаг энгийн жишээгээр тайлбарлаж ойлгуулах. Хамгийн гол нь хүүхэд өөрөө “юуг, хэрхэн хийх” тухайгаа ойлгосон байх нь богино хугацаанд үр дүнтэй даалгавраа хийхэд дөхөмтэй. Эцэг, эхчүүд өөрсдөө шууд хэлж өгөх бус хүүхэд нь өөрөө ухаж ойлгох, эргэцүүлэн, тунгаан бодож шийдлийг олох нь сурах арга барил эзэмшихэд нь хэрэгтэй.
ЗӨВЛӨМЖ 2: СУРАЛЦАХ ОРЧНЫГ БҮРДҮҮЛЭХ
Хүүхдийн анхаарал төвлөрч, сэтгэл зүйн хувьд айдасгүй, тайван байх орчинг бүрдүүлэх.
Бухимдалтай, загнаж зандарсан, хэрүүлтэй, удаан хугацаагаар ширээний ард суухад хүүхэд тавгүй байж, яваандаа даалгавар хийхэд дургүй болох магадлалтай. Хүүхэд хичээлээ давтаж байх үед бусдын яриа, дуу чимээ, хөгжим зэрэг нь анхаарал төвлөрөхөд саад болдог. “Суралцахуйн баяр баясгалантай орчин” бүрдүүлнэ гэдэг нь хүүхэд сурсан, мэдсэн, чаддаг болсон зүйлдээ сэтгэл хангалуун, сурах хүсэл эрмэлзэлтэй байхыг хэлнэ. Хүүхэд нь сурах хүсэлтэй байгаад ямар ч багш, эцэг, эх баяртай байдаг бөгөөд “хүүхэд-багш-эцэг, эх” нийлж энэ орчинг бий болгоно.
ЗӨВЛӨМЖ 3: ХАМТРАН СУРАЛЦАГЧ БАЙХ
Та хүүхэдтэйгээ цахим хичээлээ хамт үзээрэй.
Ингэхдээ бүхнийг мэддэг, чаддаг “супермэн” биш, асуудлын шийдлийг хайдаг “хамтрагч”, гэр бүлийн бусад гишүүд оролцвол “багийн гишүүн” байх нь чухал. Зарим тохиолдолд та өөрөө “үл мэдэгч”-ийн дүрд тоглож, хүүхдийнхээ сайн чаддаг, мэддэг зүйлийг заалгаж, тэднийг багшийн дүрд тоглуулах нь тэдэнд урам өгч, цааш суралцах хүслийг дэмжинэ.
ЗӨВЛӨМЖ 4: ТЭВЧЭЭРТЭЙ БАЙХ
Хүүхдээ яаруулж, шахахгүй байх, тэдэнд өөрсдөө бодох, хийх, ойлгох хугацаа өгөх.
Таны тайлбарласан, хэлсэн үгийг хүүхэд ойлгохгүй байж магадгүй. Энэ үед уурлаж, хүүхдээ загнах хэрэггүй. Хүүхдээ дахин нэг бодох оролдлого хийлгэх боломж олгох, эсвэл өөрийн тайлбарласан жишээ, үг хэллэгийг ойлгомжтой, энгийн болгох тал дээр өөртөө дүгнэлт хийгээрэй. Хүүхдийнхээ ертөнцөд орж тэдний хэлдэг үг, хийдэг үйлдэл, мөрөөдөл, бухимдал дунд нь хамт байхад танаас багагүй тэвчээр шаардана.
ЗӨВЛӨМЖ 5: ЦАГ ТӨЛӨВЛӨЛТ
Даалгавар хийхэд тодорхой цаг зарцуулах хэрэгтэй болно. Тийм болохоор хүүхэдтэйгээ ажиллах цагаа зөв төлөвлөөрэй.
Та өдрийн цагаар ажилтай бол хүүхдээ өдрийн цагаар юу хийхийг нь харилцан тохиролцож, орой юуг хэрхэн хийхээ тодорхой, ойлгомжтой болгох хэрэгтэй. “Цаг төлөвлөлт” гэдгийн цаана “хэн, юуг, хэзээ, хаана хэрхэн хийх” тухай маш тодорхой, ойлгомжтой төлөвлөсөн байх нь цагийг үр дүнтэй ашиглахад чухал. Хэрэв та хүүхэдтэйгээ хамт юу хийхээ сайн төлөвлөсөн бол 30 минут ч таны хүүхдийн боловсролд үнэ цэнэтэй байж болно.
Мэдээж танд мэдэхгүй, эргэлзэх, асуух зүйл гарна. Энэ үед та хүүхдийнхээ ангийн багштай холбох, мэргэжлийн хүмүүсээс зөвлөгөө авах эсвэл бусад эцэг, эхчүүдээс туршлага судлах шаардлага гарна. Мөн Боловсролын Реформ Хөдөлгөөний пэйжээр дамжуулж асуултаа асууж, харилцан туршлага судалж болно шүү.

Нийслэлд цас орохтой холбогдуулан байгууллагууд бэлтгэлээ хангаад байна
Самбуугийн Энх-Эрдэнэ: Хорих ангиас ирсэн захидал миний үйлчлүүлэгчээсээ авсан том шагнал
Өвлийн идэш-2026 мах сүү, цагаан идээний нэгдсэн худалдааг зохион байгуулна
“УБТЗ” ХНН энэ онд 35 сая тн ачаа тээвэрлэж, түүхэн дээд амжилт тогтоох төлөвтэй байна
Цас орж, замын хөдөлгөөний ачаалал нэмэгдэх эрсдэлтэй байна
Согтуугаар тээврийн хэрэгсэл жолоодсон 73 зөрчил бүртгэгджээ
Өнөөдөр цагаагчин туулай өдөр
Улаанбаатарт өдөртөө +1 градус дулаан
УДЭТ-ын жүжигчин О.Энхтуул Монгол Улсын гавьяат жүжигчин цол хүртлээ
Орчин цагийн мэргэжлийн урлагийн ууган байгууллага-Улсын драмын эрдмийн театрын 95 жилийн ой тохиож байна
БНХАУ-д орон сууцны цогцолборт гал гарч, 14 хүн амиа алджээ
“Оюу Толгой” ХХК 2027 оноос ногдол ашиг олгоно гэдгээ захидлаар мэдэгдлээ
Улаанбаатарт өдөртөө +6 градус дулаан
Өнөөдөр цагаан бар өдөр
Архангайд айлуудын гэрт хулгай хийсэн дөрвөн этгээдийг баривчилж, 31 хөөрөг, 19 даалин хураан авчээ
Засгийн газрын ээлжит хуралдаанаас гаргасан шийдвэрийг танилцуулж байна
Есөн улсын 129 иргэнийг Монгол Улсаас албадан гаргав
Тэгш, сондгойгоор замын хөдөлгөөнд оролцсон өдрүүдийн зам ашигласны төлбөрөөс чөлөөлнө
Аюулт үзэгдэл, ослын 99 удаагийн дуудлага бүртгэгдлээ
Б.Пүрэвдагва: Энэ өвөл эрчим хүчний хэмнэлттэй, дулаан хуримтлуурын технологи нэвтрүүлэн янданг 7-10 мянгаар цөөлнө
МАН-ын гишүүд, дэмжигчдийн холбооны ерөнхий нарийн бичгийн даргаар Н.Амартүвшин томилогдло
“Ган үзэг -2026” оны тэргүүн шалгаруулах наадмын нэр дэвшүүлэлт эхэллээ
УИХ-ын гишүүн Ц.Мөнхтуяа “Нээлттэй парламент” танхимд 92 иргэнтэй уулзаж, санал хүсэлтийг
55 тооны бод мал хулгайлсан этгээдүүдийг илрүүллээ
“Их Засаг ба Хууль засаглахуй” сэдэвт эрдэм шинжилгээний хурал өнөөдөр болно
“Чингис хаан” тэргүүн зэргийн одонг Шинжлэх ухааны академид хүртээнэ
