Өнөөдөр шар бич өдөр

-Аргын тооллын 9 дүгээр сарын 2. Лхагва (Буд) гараг (2020)

-Билгийн тооллын шинийн 15, шар бич, чөдөр-23 од, суудал гал, мэнгэ 2 хар, идэрийн барилдлагатай өдөр. Лусын буулттай өдөр.

-Өдрийн нар ургах/шингэх цаг: 06:11-19:31.

-Өдрийн сайн цаг: Нохой(19:40-21:40), хулгана(23:40-01:40), үхэр(01:40-03:40), луу(07:40-09:40), хонь(13:40-15:40) болой.

-Үс засуулахад өлзийтэй маш сайн. Гэвч бар, могой, морь, хонь жилтнээ цээрлэвэл зохилтой.

-Хол газар явагсад зүүн урд зүгт мөрөө гаргавал зохистой.

-Хулгана, луу, бич, гахай жилтнээ аливаа үйлийг хийхэд эерэг сайн. Харин бар, могой, морь жилтнээ сөрөг муу.

-Гэр барих, шүтээн босгох, равнайлах, даллага авахуулах, эд юм бүтээх, бичиг зурхай зурах, ураг садан болох, сүмийн тахил тахилга засах, өөрийн амьдралд тустай ажил хийх, бэрийн үйл, газар хагалж тариа тарих, мод суулгах, цэцэрлэг байгуулах, туг дарцаг хийсгэх, сайн үйлс үүсгэх, баясгалангийн хурим, чимэг зүүх, бүжиг наадам үйлдэхэд сайн. Байшин сав дээр гарах, шинэ хувцас өмсөх, эсгэх, чимэг оёх, худалдаа хийх, худаг малтах, хатуу үйл ажил хийх, лам болох, ном сонсох, гадагш өгөх, хөрөнгө исгэх, үр цацах, нүүдэл хийх, үхэгсдийн үйлд муу. Үр таслах дэлгэрдэгч үхэгсдийг бүү тавь.

Зурхайч лам Д.Цогтбаатар