Бат-Өлзий суманд 440 хүүхдийн суудалтай сургууль баригдана

Энэ жил Өвөрхангай аймагт 20 гаруй тэрбум төгрөгийн хөрөнгө оруулалтаар олон сайхан бүтээн байгуулалтууд шинээр бий болж байна. Бат-Өлзий суманд 440 хүүхдийн суудалтай хичээлийн барилгыг, спорт заалын хамт барихаар шавыг тавилаа.  Тус суманд оршин суугчдын тоо сүүлийн жилүүдэд эрс нэмэгдэж, тэр хэрээр ерөнхий боловсролын сургууль, цэцэрлэгийн ачаалал ихэсчээ. “Бако констракшн” ХХК-иас сургуулийн барилгыг чанартай барьж, ирэх зун ашиглалтад оруулахаар төлөвлөжээ. Ингэснээр сурагч хүүхдүүдийн маань сурч хөгжих орчин нөхцөл сайжирч, 3 ээлжээр хичээллэх асуудал бүрэн шийдэгдэх аж.