Ахуйн цахилгааны ослоос сэрэмжлүүлж байна

Чингэлтэй дүүргийн 13 дугаар хорооны нутаг дэвсгэрт цахилгааны утаснаас гал гарч шатаж байна гэсэн дуудлага энэ сарын 17-ны өдрийн 18:59 цагт нийслэлийн Онцгой байдлын газарт ирсэн. Тус дуудлагын дагуу Гал түймэр унтраах, аврах 34 дүгээр ангийн тасаг очиход 10.000 вольтын шугамын 3-4 дүгээр тулгуурын цахилгааны утсанд автомашины өргөгч хүрж иргэн Ш /58 настай, эрэгтэй/, Ч /37 настай, эрэгтэй/, Б /57 настай, эрэгтэй/ нар нь тогонд цохиулж нас барсан байсныг тус дүүргийн Цагдаагийн 2 дугаар хэлтэст хүлээлгэн өгсөн байна.

Иймд иргэн Та:

-Цахилгаан монтажаа мэргэжлийн байгууллага, алба хаагчаар хийлгэх,

-Цахилгааны утсыг газар доогуур татаж байршуулахгүй байх, хамгаалалт хийх,

-Цахилгааны гэмтэлтэй утас ашиглахгүй байх,

-Цахилгааны хэт ачаалал үүсгэхгүй байх,

-Өндөр хүчдэлийн дор гэр, хашаа барихгүй байхыг Нийслэлийн онцгой байдлын газраас
анхааруулж байна.