Өнөөдөр хөхөгчин хонь өдөр

-Аргын тооллын 3 сарын 9. Пүрэв (Бархасвад) гараг /2017/
-Билгийн тооллын шинийн 12, хөхөгчин хонь, суудал хий, мэнгэ 6 цагаан, найралт эх-7 од, хүчин төгсөхийн барилдлагатай өдөр. Пүрэвжал барилдлагат өдөр.
-Өдрийн нар ургах/шингэх цаг: 07:17-18:48.
-Өдрийн сайн цаг: Бар(03:40-05:40), туулай(05:40-07:40), могой(09:40-11:40), бич(15:40-17:40), нохой(19:40-21:40), гахай(21:40-23:40) болой.
-Хол газар явагсад урд зүгт мөрөө гаргавал зохистой.
-Үс бүү засуул билгийн өдөр нь муу болой.
-Туулай, гахай, бар жилтнээ аливаа үйлийг хийхэд эерэг сайн. Харин үхэр, луу, хонь, нохой жилтнээ сөрөг муу.
– Шүтээн босгох, тушаал, зарлиг гаргах, хөрөнгө оруулах, сургуульд сурах, хэвлэх, сахил хүртэх, номын хурал байгуулах, хөрөнгө исгэх, бэр авах, төрөх, буяны үйл, бурханд залбирах, хониноос ашиг шим авах, барилга барих, мал гадагш өгөх, ажилчин авах, хурим найр хийх, номын үйл эхлэх, гүйцээх, сүм дуган нээх, равнайлах, бурхан тахих, ном номлох, тойн болох, ном сонсох, хувцас эсгэхэд сайн. Өндөр суудалд сууж эхлэх, туг дарцаг хийсгэх, өвчин үзүүлэх, засуулах, эм уух, хануур, төөнүүр хийлгэх, эм найруулах, цэрэг хөдөлгөх, замд гарах, мал адгуус худалдан авах, шинэ гэр барих, ус шаврын үйл болон үхэгсдийн үйлд муу. Модон гараг дэлгэрдэгч сор бүү гарга.

Зурхайч Д.Цогтбаатар