Өнөөдөр шар бар өдөр

-Аргын тооллын 4 сарын 21. Баасан (Сугар) гараг /2017/
-Билгийн тооллын 25, шар бар, тооно-22 од, төмөр суудал, 8 цагаан мэнгэ, идэрийн барилдлагатай өдөр.
-Өдрийн нар ургах/шингэх цаг: 05:52-19:50.
-Өдрийн сайн цаг: Хулгана(23:40-01:40), үхэр(01:40-03:40), луу(07:40-09:40), могой(09:40-11:40), хонь(13:40-15:40), нохой(19:40-21:40) болой.
-Хол газар явагсад баруун урд зүгт мөрөө гаргавал зохистой.
-Хүүхдийн үс үргээхэд эд, буян олох сайн. Гэвч бич, бар, туулай, нохой, гахай жилтнээ цээртэй. Насанд хүрсэн хүмүүс үс бүү засуул нүд бүрэлзэн улцайна муу.
-Морь, нохой, тахиа жилтэн аливаа үйлийг хийхэд эерэг сайн. Харин бар, туулай, бич жилтэн сөрөг муу.
-Замд гарах, тариалан тарих, үхэгсдийн үйл, худалдаа хийх, лам болох, хурим хийх, эрдэм сурах, бэрийн үйл, хот тосгоны суурь тавих, бурхан шүтээн, орон гэрийг равнайлах, хувцас эсгэх, тооцоо хийх, мэргэ төлгө тавих, цэрэг хөдөлгөх, сайн үйлс үүсгэх, баясгалангийн хурим, газар хагалж тариа тарих, шинээр хувцас өмсөх, чимэг зүүх, бүжиг наадам үйлдэхэд сайн. Цацал өргөх, эм найруулах, худаг малтах, эд хөрөнгө зээлдүүлэх, нэхэх, нүүдэл хийх, боол шүтүүлэхэд муу. Мал адгуус дэлгэрдэгч мал бүү гарга.

Зурхайч Д.Цогтбаатар