Өнөөдөр харагчин туулай өдөр

-Аргын тооллын 9 сарын 13. Лхагва (Буд) гараг /2017/
-Билгийн тооллын 23, харагчин туулай, гөрөөсөн толгой-4 од, огторгуй суудал, 7 улаан мэнгэ, үл зохилдохын барилдлагатай өдөр. Лус тахихад сайн. Усанд эм орох.
-Өдрийн нар ургах/шингэх цаг: 06:26-19:09.
-Өдрийн сайн цаг: Хулгана(23:40-01:40), бар(03:40-05:40), туулай(05:40-07:40), морь(11:40-13:40), хонь(13:40-15:40), тахиа(17:40-19:40) болой.
-Хол газар явагсад зүүн хойд зүгт мөрөө гаргавал зохистой.
-Үс засуулахад маш сайн, алдар төгс жаргалантай. Гэвч тахиа, могой, морь, хонь жилтнээ цээртэй.
-Хонь, гахай, туулай, хулгана жилтэн аливаа үйлийг хийхэд эерэг сайн. Харин тахиа, могой, морь жилтэн сөрөг муу.
-Замд гарах, бурхан шүтээн амилуулж ном уншуулах, хот тохижуулах ажил, шинэ бүтээл гаргах, бичиг сурах, сүмийн тахил тахилга засах, өөрийн амьдралд тустай ажил хийх, бурханд залбирах, ихэс дээдэст бараалхах, үхэр хонь зэрэг малтай холбогдох үйл, андгай тангарагаас няцах, дайсныг номхруулах үйлд сайн. Хот суурин, байшин эхлэн барих, төрөл садан болох, газар хагалах, суваг шуудуу малтах, цэрэг хөдөлгөх, тариа ногооны үр суулгах, нүүдэл хийх, үзмэр үзэх, хурим хийх, газар хөндөх, лам болох, ном сонсох, гадагш өгөх, үр суулгах, худаг малтах, мал худалдах, арилжаа хийхэд муу. Үр таслах дэлгэрдэгч үхэгсдийг бүү тавь.

Зурхайч Д.Цогтбаатар