Өнөөдөр цагаагчин тахиа өдөр

-Аргын тооллын 1 сарын 29. Даваа (Сумьяа) гараг / 2018 /
-Билгийн тооллын шинийн 13, цагаагчин тахиа, хэрцгийн охин-5 од, уул суудал, 4 ногоон мэнгэ, рашааны барилдлагатай өдөр. Хутганы ир өдөр.
-Өдрийн нар ургах/шингэх цаг: 08:23-17:47
-Өдрийн сайн цаг: Хулгана(23:40-01:40), бар(03:40-05:40), туулай(05:40-07:40), морь(11:40-13:40), хонь(13:40-15:40), тахиа(17:40-19:40) болой.
-Хол газар явагсад баруун хойд зүгт мөрөө гаргавал зохистой.
-Үс засуулахад аз жаргал ирнэ машид сайн. Гэвч туулай, луу жилтнээ цээрлэвэл зохилтой.
-Үхэр, могой, тахиа, нохой жилтнээ аливаа үйлийг хийхэд эерэг сайн. Харин туулай жилтнээ сөрөг муу.
-Байшин, балгад тэргүүтэн газар шорооны үйл, хишиг даллага авах, эм найруулах, лус ба тэнгэр тахих, хөрөнгө исгэх, архи нэрэх, сүм хийд босгох, бэрийн үйл, хурим хийх, тариа тарих, сан тавих, хот байгуулах, мэргэ төлгө тавих, насны хүчийг арвижуулах, усан засал, садан бололцох, худалдаа наймаа үүсгэхэд сайн. Үзмэр үзэх, мал агтлах, нууц зөвлөгөөн, гуйлга гуйх, эхэлж ном сонсох, замд гарах, шинэ дээл өмсөх, эд юм өгөх, өмнө зүгт явах, мал худалдан авахад муу. Лусын үүд дэлгэрдэгч балин бүү гарга.

Зурхайч лам Д.Цогтбаатар