УИХ-ын гишүүд даргыгаа огцруулахаар суулт зарлажээ

УИХ-ын  дарга М.Энхболдыг огцрохыг шаардаж, өнөөдөр Л.Болд, Ж.Батзандан, Л.Оюун-Эрдэнэ, Т.Аюурсайхан нарын гишүүд чуулганы нэгдсэн хуралдааны танхимын өмнө суулт зарлалаа.

УИХ-ын 2016 оны сонгуулийн үеэр тухайн үеийн МАН-ын удирдлагууд төрийн удирдах албан тушаалуудыг үнэлэх замаар 60 тэрбум төгрөг босгох төлөвлөгөө боловсруулж буй бичлэг олон нийтийн сүлжээгээр тархсан. Уг хэрэгт УИХ-ын дарга М.Энхболдын нэр холбогдсон тул түүнийг чуулган даргалах эрхгүй хэмээн “сууж” буй  гишүүд үзэж байгаа аж.