Өнөөдөр шар бар өдөр

-Билгийн тооллын шинийн 11, шар бар, мэнгэ 8 цагаан, суудал төмөр, найралт эх-7 од, үхэх барилдлагатай өдөр. Лусын буулттай.

-Өдрийн нар ургах/шингэх цаг: 07:15-18:50.​

-Өдрийн сайн цаг: Нохой(19:40-21:40), хулгана(23:40-01:40), үхэр(01:40-03:40), луу(07:40-09:40), могой(09:40-11:40), хонь(13:40-15:40) болой.

-Үс засуулахад оюун билиг хурц болох маш сайн. Харин бич, луу жилтнээ муу цээрлэвэл зохилтой.

-Хол газар явагсад баруун урд зүгт мөрөө гаргавал зохистой.

-Нохой, морь, бар жилтнээ аливаа үйлийг хийхэд эерэг сайн. Харин бич жилтнээ сөрөг муу.

-Хүний сүлд гар, хацар, хамарын ирмэгт, гэрийн сүлд туурга, хананд орших болой.

-Эм хүмүүн, нохой жилтний сүлд гараг.

-Хишиг даллага авах, лус ба тэнгэр тахих, багш шавь болох, архи нэрэх, сүм хийд босгох, хурим хийх, мал номхруулж, уналга эдэлгээнд сургах, мал хөнгөлөх, газар хагалах, тариа ногоо тарих, гэр, байшин, асар майхан барих, суурь тавих, сан тавих, хот байгуулах, үс засуулах, гүү барих, наадам хийх, бурхан шүтээн, орон гэрийг равнайлах, тооцоо хийх, мэргэ төлгө тавих, цэрэг хөдөлгөх, мод таслах, тангараг няцах, хаах, гөрөөлөх, залбирал үйлдэх, сан тавих, сахиусанд өглөг өгөх сайн. Хиншүү, бузар, бэлбэсний үйл, хүүхэд хөлд оруулах, хүүхэд гадагш явуулах, хүүр түлэх, цэрэг хөдөлгөх, цацал өргөх, эм найруулах, бэрийн үйл, төрөл садан бололцох, бурхан сахиус тахих, ном эхлэн заалгах, худаг малтах, малын үс, ноос хяргах, эд, мал худалдан авах, ном сонсох, нүүдэл хийх, замд гарах, дээл хувцас, гэр орны хэрэгсэл эсгэх, шинэ дээл өмсөх, эд юм өгөх, мал гаргах, шарил шатаах муу.