Их эмч М.Цэвэлмаа “Дэлхийн мисс”-т Монголоо төлөөлөн өрсөлдөнө

Гоо сайхны хамгийн том наадам гэгдэх “Дэлхийн мисс”-ийн 69 дэх удаагийн тэмцээнд Монгол Улсыг төлөөлөн хүний их эмч мэргэжилтэй Мандахын Цэвэлмаа оролцож буй билээ.
Мисс М.Цэвэлмаа нь танилцуулга бичлэгтээ Монгол орныхоо үзэсгэлэнт байгаль, уламжлалт ёс жаяг, өөрийнхөө мэргэжлийн онцлог, авьяас чадвар зэргээ онцгойлон харуулахыг зорьсон байна. Уг бичлэгийг Youtube сувгийн https://www.youtube.com/watch?v=_eqwH97Ephw&feature=youtu.be&fbclid=IwAR1brdvFvo78D41FbNO3cEsLXSaXYSRztsHIGQOkFIr_X849x7rQKOqeeDI холбоосоор үзэх боломжтой юм.
М.Цэвэлмаа эх дэлхийн 130 орны гоо бүсгүйчүүдтэй энэ сарын 20-ноос ирэх сарын 14-ныг хүртэл авьяас чадвараа сорих юм. Энэ жилийн Дэлхийн мисс тэмцээн нь Английн Лондон хотноо болох бөгөөд тэмцээний дүн арванхоёрдугаар сарын 14-ны өдөр гарна.
Дэлхийн миссийн тэмцээн нь
Beauty with a purpose – Сайн үйлсийн ажил
Talent – Авъяас
Sports – Спорт
Top model – Топ модель
Multimedia award – Олон нийтийн санал, Mobstar
Dances of the world – Дэлхийн бүжиг
Head to head challenge – Асуулт хариултын уралдаан гэх үндсэн долоон төрлөөр шалгаруулах юм.
Дэлхийн миссийн тэмцээн нь хамгийн өргөн хүрээг хамардаг бөгөөд хүмүүнлэгийн ажлыг голчлон үздэгээрээ бусад миссийн тэмцээнүүдээс онцлог юм. Мисс М.Цэвэлмаа нь хүмүүнлэгийн ажлынхаа хүрээнд “Эрүүл Монгол-Эрүүл Дэлхий” төслийг санаачлан хэрэгжүүлсэн. Тухайлбал, элэг шилжүүлэн суулгах хагалгаанд нэг хүнийг оруулж, хандивын аян өрнүүлэн хагалгааны дараах бүхий л зардлыг төлсөн. Мөн элэгний В, С вирусээс урьдчилан сэргийлэх зорилгоор нийт 460 гаруй хүнийг вакцинд хамруулсан байна.